مسابقة رقم (1)

يوسف مدير كتب:

انت ياب علوة شفت بادي دا يوم واحد بقميص وبنطلون؟؟؟
والله لو ما الشلوخ ما كان عرفتو

مبرووووك ود مدير
بادي محمد الطيب
زمن الشباب ة كدا ..

بكتب ليك وأطوِّل فى كتاباتى
يفيض إحساسى وأملا الدنيا
بى كلمات خطاباتى
بجمع ليك لغات الدنيا وأكتب ليك
بى لغة العجم مرات ..
وبالعربى الشديد وفصيح ..
وبى لغة الملايكة أحيان ..
وبالسريانى والتسبيح ..
وفوق كل ذرة فى ها الكون ..
بكتبا ليك وارسلا فوق جناح الريح
***
بكتب ليك على الأشجار .. وفى الأنهار ..
ومحل ما تمشى قدامك
تلاقى حروف رسالاتى
لأنك إنتى من ذاتى .. وفى ذاتى .. وياك ذاتى
ومهما كتبت ما بقدر أعبر ليك عن الجواي
مهما طاوعت أقلامى كلماتى
***
وليه ما أكتب وإنت
و أنتِ الماضى بى أحزانو
بى أفراحو والمستقبل الآتى
كتاباتك شوية خلاص .. ورسالاتك شوية خلاص
علىَّ يا الفى منامى أحلام .. علىّ يا الفى صحاى وسواس
وأنا الراجيكى تكتبى لىَّ .. كم دفتر وكم كرَّاس
منَّها داير أفصِّل جبة وانْدروشْ ..
وكمان طاقيِّى فوق الراس
ومن كلماتا أسوى السبحى والبخرات وكم حجبات
أداريبن عيون النَّاس
كمان تبروقة .. فى محراب هواكِ اجلس مع الجُلاّس
واخلى الباقى واتغتابو .. كان بعدك غشانى نُعاس
***
أنا الراجيكِ تكتبى لى ..
كتاباتك تكون فى الظلمة لى نبراس
أنا العايش فراقك لى ..
وأشوفك فى عيون النَّاس
وعاذرك لو كتبتى قليل ..رضيان بيهو
ما دام بى وفا وإخلاص
أريت يوماً فرقنى معاك ..
يكون محذوف من التاريخ ..
وتبقى أيامنا ستة .. ونبقى فيها قراب
أريت بلداً تحرمك منى ..
لو ما إنتِ تبقى خراب
يسكن فى خرابا البوم ..
ويتصايح عليها غراب
وصاقعة تقع تدكها ما تفضل فيها
ذرة تراب ..
تولِّع فيها نار الله ..
وتصبح كوم رماد وهباب
تمسخها لعنة من عند الله ناسها
تصير قرود وكلاب ..
وتمرقى إنتى والنَّاس المعاكِ قراب..
وما دعيت خاتي الا الفراق اسباب ..

من هو صاحب الصورة و شاعر الكلمات ؟؟

ا
الشوق والحنين فاض بيّ .. الليله وين يابنيه
مشتولة الجروف النيه .. خضرا وفي غصينها نديه
حام غفرك حمانا الجيه .. الليل والنهار دوريه
***
سمحه وبالعفاف مكسيه .. قمره ومافي ليكي إخيه
فوق الجيل عليتي ثريا .. وين تاجوج وعازه وريا
***
شلتي عقولنا ليه ياظبيه .. سارحابا الهويد والصيه
عطفك بي قلوبنا شويه .. والكبد البقت مشويه
***
نارك في فؤادي أنا حيه .. ما بتطفيها آه و أحيّ
شوفتك حسنه تمحا السيه .. مالو إن جدت بيها عليّ
***
محتار والله عالم البيّ .. جافيها المنام عينيّ
قسمه وقصرت إيديّ .. وآجت نار غرامك فيّ
***
ليكي سلامي وألف تحيه .. تتعاقب صباح وعشيه
تغشي البيّ الجمال محريه .. ملكه وبت ملوك جعليه

لشاعر هو :: ابراهيم ابنعوف

أوشين كتب:

ا
ليكي سلامي وألف تحيه .. تتعاقب صباح وعشيه
تغشي البيّ الجمال محريه .. ملكه وبت ملوك جعليه

الشاعر هو :: ابراهيم ابنعوف

الإجابة صحيحة لكن كلمة جعلية تحتها خط ليه ؟؟

بهدي ليها الاغنيه دي (عايزه اصاحبه عشان لمن اضرب ليها واحكي ليها عن حملتك ضد النسوان تصدقني وتقوم عليك بالمفراكه)

احسب دي كم اجابه صحيحه لي في المسابقه

أوشين كتب:

بهدي ليها الاغنيه دي (عايزه اصاحبه عشان لمن اضرب ليها واحكي ليها عن حملتك ضد النسوان تصدقني وتقوم عليك بالمفراكه)

المرأة بعد ما تتزوج تلغي كل صداقاتها السابقة و تتحلل منها لتتفرغ لخدمة زوجها و أبنائها .. و لا شنو ؟؟

هههه والله لكين قطعتو معاي بس ده رايك انت ... حاصل ليها يعني حاصل ليها .. الموضوع ده خليهو نناقشو هناك .. وين سؤال اليوم

بدون أي تعليق .. من صاحبة الصورة ؟؟

أوشين كتب:

احسب دي كم اجابه صحيحه لي في المسابقه

لأنك دائماً بتجي بدري قبل الناس .. و تلقطي تمر الهبوب دا !!

هههههههههههههه
عليك الله دي جبتها من وين؟؟
الفنانه ندي محمد عثمان (ندي القلعه)

أوشين كتب:

هههههههههههههه
عليك الله دي جبتها من وين؟؟
الفنانه ندي محمد عثمان (ندي القلعه)

مبرووووك أوشين

فنان شايقي رحل عن دنيانا في ريعان شبابه

عابره كتب:

الراحل المقيم فينا
ياسين عبد العظيم

ليل الغلابه

صحيح 100%
مبروك عابرة
رحم الله الأستاذ ياسين عبد العظيم
و هو من أهالي العفاض و تربطه قرابة مع أبناء المرحوم خليفة طه الفحل ( ابن خالتهم ) .. تميز بصوته الشجي الباكي و لحنه العذب شكل ثنائية متفردة مع الشاعر ابراهيم ابنعوف و غنى للشاعر حميد ( لو رجعت اديني فاضي ).. من أجمل أغانيه ليل الغلابة .. خطفته يد المنون في العام 1986م ..

عابره كتب:

حاولتا انزل الاغنيه بس ما عرفتا
فى الصندوق الماسى ما لقيت الرابط البنزل بيهو الاغنيه

الأغنية هينة .. المشكلة زولك بتاع التوقيع دا كأنه بيحفر في راسي
هو أصلو عايز يعمل شنو ؟؟ لو كان بترول كان طلع

يا نسمة كيف أخبار اهلنا و حينا ,,
من أبناء السقاي - من رواد الفن التراثي الشايقي

الشاعر : السر عثمان الطيب

أوشين كتب:

الشاعر : السر عثمان الطيب

المرة دي كضباً كاضب يا أوشين ..
لع ... كو

معناهو انت ضللتني بالاغنيه
يانسمه كييف اخبار ............
لانها الاغنيه دي للسر

أوشين كتب:

معناهو انت ضللتني بالاغنيه
يانسمه كييف اخبار ............
لانها الاغنيه دي للسر

نعم السر عثمان الطيب هو شاعر الكلمات
لكن هذه صورة الفنان الذي أداها لأول مرة

بعدين أنا قلت من السقاي و السر من القرير
أقرب لك المسافة .. صاحب الصورة عمل بالصحافة
و مهتم جداً بالتراث الشايقي و اغاني السيرة .. و أسمه الأول عبد الرحمن

انه وبلا شك الفنان الراحل:
عبد الرحمن بلاص