مسابقة رقم (1)

شكراً فجراوي و ود مدير .. و التحية للبطلة سارة جاد الله و اخواتها و رفيقات دربها من اللاتي حققن الإنجازات للسودان أمثال هنادي علي طه و غيرهن ؛ لأول مرة أجد معلومات عن سارة جاد الله .. و نشكركم جداً على سقاية الزرع و حراسة الزريبة في ( غيابنا و كدا ).. الحمد لله كل الممتلكات سليمة بس الناقة واحدة لقيتها محلوبة و أخرى مرضوعة و تتبعت الأثر الى أن غاب مني عند مدخل مطبخ البلابل .

و هنا أيضاً البطلة السودانية آمنة بخيت الفائزة بجائزة سباق 800 متر تبدو حافية القدمين في الصورة :

( حذفناها حتى لا نتهم بعدم اللياقة ) ..

وكان مختار كل ما يلقاني يهزا بي يناديني باسم أمي من شدة الاستحقار، يقول لي يا ود حليمة متين تبقى راجل تدخل الحلقة مع الرجال؟
المغصة تحش قلبي زي السكين، وازعل غاية الزعل. لكني أنا قليّل وكحيان. كيف العمل؟
يوم من الأيام حزمت أمري موت حياة ما علي شي وأخير من قولة ود حليمة. أقول لك بني ادم مصيبة معلقة بالسببية إذا دست على طرفه ما يغلب حيله ابدا.
بعد الدرس جريت إلى بيتنا. كيس شطة يمكن رطل. شلته وانطلقت فوق الخلاء لحد ما البيوت ظهرت رهاب رهاب. شطة حمراء نار الله الموقدة أكلتها كلها وقلعت عريان ومسحت بيها جسمي كله. العياذ بالله من النار أل ولعت في بدني. نار الجحيم انطلقت وأنا أصيح بطول حسي واي واي والدنيا خلاء ولا حد سامع وابرطع واتمرمغ في التراب. والعرق نازل شل شل. يازول الم اجل الله السامعين شي يمخول العقل. بعد داك لم يهمني ابدا، أدخل النار ما احس باي شي. جريت وقميصي في أيدي وعيوني شرار والرأس ورمان قدر الزير.
وصلت السيالة لقيت مختار ود حسب الرسول أل ما يخفى علي راكز عامل عنتر خلص على الجماعة كلهم. تش دخلت ووقفت قدامه وركزت. عاين لي باحتقار قال ود حليمة اليوم بقيت راجل؟
أنا ما اقاشط واحد ولد مره.
الله اكبر رمقته بي عيون زي الشرر. قلت له أبقى راجل اضرب أتبسم وضحك، وعاين جاي وجاي والجماعة يضحكوا صبركم بالله. ود مفتاح الخزنة وود رحمة الله ضحكهم عالي. قالوا ود حليمة راح في داهية مسك السوط وختاه بين أيديه الاثنين.
وفرقعه في الهوا وج وج.
بعدين لف حوالي ونقرني بالسوط نقرات خفيفة هنا وهنا، عاوز يزعزعني، وأنا راسي فيه ستين آلف عفريت. وبعدين ركز وضرب رجله اليمين في الأرض ولولح السوط ونزله. وحياتك نزل علي بردا وسلاما بعد نار الشطة. جلدي خدران كأنه ميت، إذا جرحته بالسكين ما يحس. هبدني بالسوط الثاني والثالث وأنا راكز زي الحيطة، اذا كان الباب دا يحس انا احس. وقت وصل السوط السابع وقف. زح لي ورا وعاين لي باستغراب.
حدرته بنظرة زي سم الله الهاري.
بلع ريقه. صاحبي بدا يتزعزع. بعد ما في ضحك. الناس سكتوا بم. ضحك ود مفتاح الخزنة وود رحمة الله يبس في حلوقهم.
عليك أمان الله حسيت زي كان شيطان مارد في بطني بقى يتحرك ويكبر ويفرهد ويفرد جناحاته فوق العالم كله. حسيت كأني جبار شمهورش إذا كان سقف السما وقع أسنده بأيدي.
الشطة أجارك الله وحرقة القلب. صرخت فيه يازول بي صوت ما اعرف جاني من وين. قلت له يا وليد ميمونة، أحقره باسم أمه، ابقي راجل واضرب بالسوط. قسما النهارده يا أنت يا أنا يشيلوه من هنا للجبانة.
الناس ساكتة صن.
ضربني التامن والتاسع والعاشر، ضرب بي غل، ضرب القوى لما يعرف انه ضعيف، ضرب الضعيف وقت يعرف انه ضعيف. لما وصل تلاتين، جدك وبندر شاه الله يمسيهم بالخير وقفو. مسكو السوط من أيده. قالوا خلاص انت أخذت حقك، الضرب لي حمد.
أنا اخو البنات. يازول، حسيت كأني زي سر عسكر الترك. بقيت انفخ واقدل. قلت لهم خلوه يضرب. قسما بسورة كاف لام ميم، شوف عندك جنس قسم، ود ميمونة الليلة لازم يشيلوه جنازه. جدك وبندر شاه قالوا أبدا. تلاتين سوط كفاية. مسكت السوط لقيته مليان دم. الله اكبر. هزيته فوق الحاضرين ولفيت في الحلقة لفتين وأنا اقدل وأتبختر.
ود مفتاح الخزنة وود رحمة الله منكمشين يعاينوا للأرض من الخوف. نقرت كل واحد بالسوط فوق رأسه. بعدين طلقت الزغاريد.
ايوي ايوي ايويا.
عاينت لي مختار ود حسب الرسول لقيته راكز متماسك لكين جبهته ندت بالعرق. بقيت أدور حواليه وانقبشه بالسوط مرة مرة، واصرخ وابرطع بعيد واجيه راجع، واقيف قدامه وانط في الهواء عملت ليه حرب أعصاب، لحد ما اتاكدت زولي خلاص حالته بقت حالة.
ود مفتاح الخزنة وود رحمة الله بعد ضحكهم ما كان ضدي بقي معاي. الوحيدين أل بقوا يضحكوا ورأي كل ما ضحكت. الله يخيبهم. دايما مع الغالب.
رفعت السوط فوق ونزلته شر. عليك أمان الله كأنك شرطت لك قماش. مختار ما اتزعزع لكين عينه رمشت.
نزلت السوط الثاني سمعته قنت. أنا أخوك يا السمحة.
أديته الثالث زح ورا شوية.
السوط الرابع اترتع.
السوط الخامس وقع بب غمران.
الناس ساكتة ولا حس. مبهورين. أنا التعبان الكحيان حمد ود حليمة اهزم مختار ود حسب الرسول، الفارس المغوار والبطل الهدار.
أقول لك شعرت كأنني سيد الكون، مالك الليل والنهار. والحكاية كلنا أطفال أكبرنا عمره ما يحصل ثمانية سنين. بقيت اضرب من طرف، واغير يمين واغير شمال. اجوط بي جاي وبي جاي. اكتر ضرب ضربته ود رحمة الله وود مفتاح الخزنة. يازول. ركبني جن. وقفت وسط الحلقة وختيت رجلي فوق مختار، وهو راقد جثة هامدة، زي كانني أسد واقف فوق الفريسة. بقيت اتكلم كلام خارم بارم ذكرني بيه جدك وبندر شاه بعدين. قالوا خلاص كفاية.
جدك قال لي خلاص عرفنا انك راجل.

مقطع للكاتب صاحب الصورة : من أين أخذ المقطع و من صاحب الصورة ؟؟

الطيب صالح - صحيح يا عابرة لكن الرواية ليست عرس الزين و انما بندرشاه .. عموماً نعتبرها لك اجابة صحيحة ( جدعنة و كدا) و عشان خاطر خالك عبد الوهاب كحيل و التحية له من هنا .. والرحمة و المغفرة للروائي العالمي الطيب صالح .

صورة حديثة لمدينة عربية

اها

دايرين إسم المدينة

والتحيات النواضر

* لقيتنى كيف ياحاج

فجراوى كتب:

صورة حديثة لمدينة عربية

اها

دايرين إسم المدينة

والتحيات النواضر

* لقيتنى كيف ياحاج

فجراوي مدينتك دي تحت طقاطيق الأرض و لاّ شنو ؟؟
ما ظاهر منها عود كبريت !!

الى أن يشرق فجرنا و يزيح الظلام عن مدينة ( أم بدة كرور )الغارقة في الظلام ؛ سنواصل :

الزول منو ؟؟

أيى ُسب فوقو ..دا مو ياهو الزويل السايقلو خمسة الف بقرة (حلوب فاقع لونها)موديها مصر ؟
اها بعد تدينا الجايزة .. قولنا هو الراعى , ولا البقرات ألات اهلو , ولا شيتا تانى ؟

وأبعت ياحبيب لاتكتر الصهينة

والتحيات النواضر

ان شاء الله عاد هي خرتوم الفيل بعد هذا الحال !!
بالله شوف النور دا مشتت في الشوارع كيف ( الصلاة على النبي )
أعتقد هي مدينة خليجية يا باشا و استبعد الرياض
( دبي - أبوظبي - الدوحة - المنامة - الكويت )
و أرجح مدينة دبي ..

فجراوى كتب:

أيى ُسب فوقو ..دا مو ياهو الزويل السايقلو خمسة الف بقرة (حلوب فاقع لونها)موديها مصر ؟
اها بعد تدينا الجايزة .. قولنا هو الراعى , ولا البقرات ألات اهلو , ولا شيتا تانى ؟

وأبعت ياحبيب لاتكتر الصهينة

والتحيات النواضر

يا أخي دا حقنا في الكرامة .. أنت الكعوبيي ليك شنو ؟
قبل فترة مشن 5000 جمل لاثيوبيا ..
و منتظرين رحيل القذافي كمان نرسل 50000 نعجي للشعب الليبي

إجابتك صحيحة لكن قلمك مبرِي سنين ..

عابره كتب:

العوينات شوفن ضنين
اها يا جنيات الجنا ده هول منو

تسلمي عابرة .. لكن وينو الجنا ؟؟
غايتو شايف لي اتنين واحد في صورة البروفايل و واحد يحفر من سنة ( دو ) و التاني عامل لي وجع راس و الأول عامل لي حساسية في البنكرياس .. يحلّنا منهم الحلّ بلّة من القيد ..

من هي صاحبة الصورة ؟؟
شغلت منصب وزير الخارجية ..
لكن ماها هيلنا شي .. السلبطة ممنوعة .

يا سادة يا كرام كدي بردوها شويه قلنا روقوا المنقة ما قلنا ورقوا المنقه
البنيه اللابسة توبنا دي مني؟؟؟

يوسف مدير كتب:

يا سادة يا كرام كدي بردوها شويه قلنا روقوا المنقة ما قلنا ورقوا المنقه
البنيه اللابسة توبنا دي مني؟؟؟

ود مدير يا أخي دي مااا البنية الجهجهت دبلوماسيتنا !!
وأتعبت باكاتنا و أربكت حساباتنا .


فجراوي جِقِر يملا حلقك .. قول يامين .

ناهٍ نهاك مـن الدنيـا عـن (الناهـا)يا ابن القوافي أن تشقـى بذكراهـا
لم يفتـأ (الأزرق) الخنذيـذ يذكرهـاحتى حسبت جميع الناس أسراهـا
فهي الجمـال فـلا شمسـا ولا قمـراوهي الجلال فـلا قصـرا ولا شاهـا
إن الليالـيَ ضـاءت عـنـد طلعتـهـاضـوء اللآلـئ تبـدو مــن ثنايـاهـا
العـيـن تسبـقـهـا والأذن تلحـقـهـاواللُـبّ يعشقـهـا والقـلـب يهـواهـا
أمّا اللسـان فيسمـو حيـن ينطقهـاأمّـا الجَنـانِ فيصفـو حيـن يلقـاهـا
تواضعت شرفا في عرش سلطتهافالـعُـرف يأمـرهـا والـعـز ينهـاهـا
راحيل شنقيط أم تاجوجها اكتملت فيهـا المحاسـن معنـاهـا ومبنـاهـا
الجـن تحسـد أهـل الإنــس قاطـبـةأن صاغ من نسلهم إلهنا( الناهـا)
وأقسم الحُسن في معـراج سدرتـه أن المحاسن فـي شنقيـط مسراهـا
والعلـم والحلـم والإيمـان مجتمعـاوالشعر والفكر والسلطان والجاها
لعل شعـري مـن السـودان يبلغكـم أهلـي الشناقـيـط حيّـاكـم وحيّـاهـا
يـحـيـا بـــه الـــودّ آلافـــا مـؤلـفـةفي الدولتين وحيّا الخير( باباها )

يا أعينَ الخيلِ قلبي اليـومَ مُستلـبٌمـن سهـم عينَـيْ مهـاةٍ كـم تمنّاهـا
فـلا تُطِـعْ فيهمـا قـولَ الوشـاةِ ودعْنـاهٍ نهـاك عـن التشبـيـبِ والنّـاهـا
سليلـة المجـد مـن شنقيـط إنّ لـهـافي شاطئ النيل روضاً بات يهواها
أما ترى (الأزرقَ) الدفّاقَ كيف هفاوكـيـف صـفّــق نـشـوانـاً للقـيـاهـا
وغــرّد الـطـيـرُ جـذلانــاً لمقـدمـهـاوعـربـدَ الـشـطُّ أزهـــاراً وأمـواهــا
وصاغ كـلُّ أديـبٍ فـي الهـوى دُرراًتُسبـي العقـولَ فمـا العقّـادُ أو طــه
تبـعـتُ شأنهـمـو فــي كــلِّ نـاحـيـةٍكـمـا (تـتـبّـعَ عـبــدَ اللهِ) (بـابـاهـا)
يـا أهـلَ شنقـيـط أنـتـم بينـنـا أبــداًفـي حبّـةِ القلـب لـم تخمُـدْ حُميّاهـا
فأنـتـمُ العـلـمُ والآدابُ قــد جـمُـعـتْوأنـتـمُ الـجـودُ والأخــلاقُ أسمـاهـا
وأنـتـم الـديـن قــد شـدتـمْ دعائـمَـهُفـصــار ثَــــمّ عــزيــزاً يـحْـمــد اللهَ
واهدي السـلامَ إلـى الـدلاّلِ ثـمّ إلـىعَـدّودَ والــدّدو والنّـحْـويَ والـدَّاهـا