مسابقة رقم (1)

sweet كتب:

دا عوض دكام
الجائزه سريييييع وماتاكلني حنك

مبروووووك سويت .
رحم الله الدكتور الإنسان عوض دكام الرجل المحبوب جداً الذي خلف برحيلة مساحة شاغرة في وجدان هذه الأمة .. يحكي مرة في التلفزيون عن طرائفه أيام الدفاع الشعبي و كيف أنه زاغ و زميله البروفسير أثناء ( الجكّة ) رياضة الجري الصباحية ( طويلة جداً ) في شوارع القطينة .. و قال طرقنا أحد الأبواب و طلبنا ماءاً و ( نحن نعاني من شدة العطش و التعب ) فجاءنا أحد الأطفال يحمل ( جك ) مليء بالماء البارد و بعد أن شربنا سألني الطفل .. يا عمو انت شغال شنو ؟ قلت له : دكتور ,, و بعد أن تفحص وجهينا أردف قائلاً : يا عمو أدونا جكَّنا بلاش قنابل معاك .

طرفة أخرى : يحكى أن إحدى قريباته جاءته تشكو له من ( المقدم يونس محمود - صاحب التعليق السياسي سابقاً ) الذي ركبت معه في سيارته دون علمها - نظام فضل ظهر و كدا - أو ملح كما كنا نقول في السابق .. المهم تقول أنه قد سألها عن رأيها في الحكومة الجديدة فردت بأنها حكومة سيئة - فقام بإنزالها من سيارته و ( نبّزها ) .. فأراد المرحوم الدكتور أن يهدئها بطريقتة الطريفة - فقال لها : ( هو نبَّز خادم الحرمين الشريفين ما ينبِّزك أنت خادم العباسية ؟؟ )

للأسف لم يسلم الدكتور عوض دكام - حتى في قبره - من عبث العابثين فانتهكوا قدسية و خصوصية هذا الاسم اللامع و الشخصية المرموقة فظل اسمه يتردد على لسان أصحاب الغناء الهابط أمثال طه سليمان في أغنية ( كلام يا عوض دكام ) التي أثارت حفيظة محبيه و غضب أسرته و معارفه في كل مكان .. لك الرحمة و المغفرة يا طبيب الإنسانية و حبيب الكل .
و ما ضر بحر الفرات يوماً .. إذا خاض بعض الكلاب فيه

ولدت في ام درمان عام 1922, والدها الفكي موسى احمد ذو جذور نيجيريه حيث جاء للسودان بدايات العام 1905 ليستقر نهائيا بالسودان .. سيطرت على الغناء النسائي في السودان لفترة ثلاثين عاما غنت خلالها اكثر من مائة اغنية مسجلة و موثقة في اذاعات السودان و مصر و اثيوبيا و نيجيريا , كانت تقرأ ولا تكتب, نشأت في كنف خلوة أبيها الفكي موسى بامدرمان نافست الأربعة الكبار في ذلك الوقت وهم ابراهيم الكاشف و عبد الحميد يوسف و احمد المصطفى و حسن عطية . فمن هي ؟؟

دي حبيبتنا عائشه الفلاتيه...
والمره دي كان مااديتني جائزه بشتكيك للاداره...

sweet كتب:

دي حبيبتنا عائشه الفلاتيه...
والمره دي كان مااديتني جائزه بشتكيك للاداره...

هههههههههههههههه
غيرك كان اسرع

أوشين كتب:

sweet كتب:

دي حبيبتنا عائشه الفلاتيه...
والمره دي كان مااديتني جائزه بشتكيك للاداره...

هههههههههههههههه
غيرك كان اسرع

مبروووووووك بنيابه عن سكوتي ياسريعه

عابره كتب:

سكوتى اخوى
وين انت الحق البنيات ديل
لايقطعن شعيرات بعض

ما مشكلة زيتكم في بيتكم
البنيات و الشعيرات و الجائزة و مقدم الجائزة
كلهم كحيلاب .

عائشة الفلاتية .. مبروووووووك

من شعراء الشايقية - يميل أكثر للشعر التراثي ؛ له لونية شعرية تميزه عن الآخرين و أكثر ما يشد المتلقي لأشعاره هذا الإلقاء الرائع باللهجة الشايقية الذي يجيده - حتى أن البعض يرى أن أشعاره لا يمكن أن تكتب و ذلك لعمقها في الدارجة الشايقية .. من كلماته :
بريد أيي و بريد زولاً يقول أيي
و بريد بتاً متاقي الباب عليها من الشمش حيي
بريد الغَّتت الماجور و فكّت نعجي ملويي
بريدا و كت تقول لها يمه سعديي
أديني كرشة نار و هاك ضوقي المدينيي

فمن هو ؟؟

حاولت اعرف الصوره لكن ماعرفت وقريت النبذه وبرضو ماعرفتو
لكن كنت متاكده انك حتعرفي انت ياعابره لانك احساسك مرهف جدا اتجه الشعر وثقافتك واسعه
وبحب اتمعن في اي بيت شعر تكتبي

عابره كتب:

الشاعر محمد جيب الله كدكي

مبرووووووك عابرة
ولد بتنقاسي السوق سنة 1945 اسمه بالكامل محمد جيب الله عبد الرحمن محمد حمد سعيد الكرسني ، ولقب كدكي لجده (محمد حمد ) ويقال عليه كان الرجل الوحيد الذي يمتلك حصانا في حي تنقاسى وكان دائما يركب عليه ويأتي من على البعد وتسمع حوافر الحصان على الأرض بصوت عالي وهو كُدُك _كُدُك ، فيقولون أتى كدكى 0000

حاج حمد إحمد فى العمل .. زولا بضربو بو المثل
من الله خلقو وقام معا سلوكتو ... ما ضاق السفر
طول عمرو فى البروِد يزح ويقعد يداير فى البقر
وزمن السقط يعملّهن كر من فلق ورف الشدر
لكين وليدو الكان زمان تعبان عليهو
ويقرى فيهو واديتو ليهو بلا المطر
دقس المدينى واشتغل دى اربع سنين فوقن شهر
راقد قفا وقاطع الخبر ومن عندو بُلالة آب تصل
وخل أمو قالبى الواطة ملِّى تسوى
زول ورهيف دحين داير القَفَر
مرات يقول لها ياولية اصبرى ما خاب من صبر
ومرات يقولها يبقى راقد موجعو شى
كان وردى ولا وجع ظهر
ومرات يقول لها يبقى راح بارا الهواميق والسهر
بس غايتو قلبى على جناى وقلب جناى علي حجر
ومن ميسو دبا على كريمى وخش توووووف ركب القطر
لابسلو مركوباً نصيييييح وحاقبلو شنطة الت صفيح
لملم هدومو من الحبل شكاها فيها كُسَر كُسَر
وسداها بى كسرة جريدتاً يابسي عارَضَا زى كُشَر
وقالك كدى اتحكر قعد حكيرة جد
وجر من حرفو المتمّر زين كمان قلَّم فطر
وقطارو ... توت توت توووووت كو نَتَل
دفق المى تب ما خلّ جَر
واتفكى ماشى مشى السواد بقى فى القضيب يشكى العجل
وعود السلك دا يسوى زن زن زن
الدغفلى قلبى انقطع .. الدغفلي قلبي اتقطع
حاج حمد احمد قضى يومين فوق الحطب مانام شخر
ينوم بى وين ؟؟ دا قطر كريمي .. المي ملان لا عينو ديمي
وكتين يجى التمر ؟؟ مكمود كمد
والمنقة وكتين تستوى تلقاها للوكاي زرد
كترة كلف قايل شنو
وابا ما يشيلنا ود منو
عفشاً جبال والدنيي حر جرى حُمّد احمد عرقو تَرْ
وكتين يجى الكمسارى مار تلقاهو بالنطيط فتر
وتلقى الشكل ... لكين قبل يصل الكجر
الناس تعود للقرقراب وتلقى اللّكِل سوا والشراب
غايتو كدى وكدى فى القطر
حاج حمداحمد قضا يومين خير وشر
ولمالو فى ولدا بيعرف ولدو فى حقو انستر
وراهو درسو معا بعض
والليلى جيرى جوار بعض
ويوم التلاتا من الصباح
اتفكو من قطر المرض
وداهو لى بيت ولدو داك البي هناك بلاخبر
وخلاهو روح جاى ينوم .. فعلا غمد
وتلاتا دقت بى هناك انكان وقف حيلو انسند
وناس المكاتب لى ورا .. تب مافى زولا انكرم
وكان ولدو عاد من جملتن
للسوق غشا وشال الرزم .. ودافس ركب باصاً يئن لامن وصل
شايلو اكياساً غلاد توستا وعنب باسطة وعسل
شيتن كتير بالحيل يأكِّل كم نفر
ويقدل عليك يالله كَوْ للباب دفر
ولقى ابوهو قدامو اتهجم
وقبال يسالمو وقف سعل
إي ؟؟ ابوي ؟؟؟؟
ياب ما معقول الجابك شنو ؟؟؟
ياولد تنقطع ريحتك
يعنى مستغرب اكنو بلاخبر جيت
وفتحتك للباب لقيتنى انا جوا فى البيت
ما دام ياب ضراع كم اجازى قضيت
شن بسوى ترانى قمت معاك طبيت
وقمت ساكت لى الله سهلى الطريق
وفى القطر لمانى ولدا ليك رفيق
اقيف اسمعني روق ..
قالى قارى معاك كلية الحقوق
وبيتو منك جبدا ساكن قبلي فوق
عندى قلبا عليك كيفن حنين ومااااااااااااب تعرفو بلا تسويلك بطينين
تبكى امك زاتا كانت جاي لكين
بيتنا ما بيتفات واخيانك صغيرين
وماشفتا غناها ليك البى الجرانين
الشى نضما كلو يهرد فى المصارين
مرة بيهو تنونى ومرة تحصنك زين
وتقرى اية الكرسى ومرة معاها يس
ياولد ... اتقونن شويى اوعك من الدين
هسع الخميتو جبتو دا كلو من وين
لاتبقى خدمتك فى الدلاقين المهم فى البنك وفرلك ملالين
جيت اسوقك للعرس لاتقولى ملحوق
باقى امك ديك هناك مقليى بالشوق
لابتين تقعد هنى وراسك دا مطلوق
المحل بندر كمان عيشتك من السوق

كدكي ...

sweet كتب:

حاولت اعرف الصوره لكن ماعرفت وقريت النبذه وبرضو ماعرفتو
لكن كنت متاكده انك حتعرفي انت ياعابره لانك احساسك مرهف جدا اتجه الشعر وثقافتك واسعه
وبحب اتمعن في اي بيت شعر تكتبي

فيك الخير يا سويت .. ما دام زوزيتي
و قالوا : الفالحي في عشها زوزاية

وين ياسكوتي ؟
نحن مامنتظرين السؤال

مي الصور كملن يااسويت
اصبوري عليهو لمن يعمل سيرش
,,,,,,,,,,
اوعك ياسكوتي تنزل لينا حواء الطقطاقه

لوكوا الصبر يا جماعة .. الخير باسط و حظيرة ود كحيل مليانة ..
و الأسئلة موجودة يا أوشين بس انحتي راسك كويس ..

دا الفنان احمد عمر الرباطابي

sweet كتب:

دا الفنان احمد عمر الرباطابي

مبروووووووك .. سويت الظاهر أنك ح تفوزي بمراح الإبل
ألف مبروك ...

انتي الحلوه وزي القمر
تذكري المسلسل الكان ممثلفيه في رمضان
كان اعادة
اول مسلسل ليهوقالو كان في السبعينات
هههههههههههههه
....................
انا متأكده سكوتي حايجي يكسر التلفزيون ده فوق راسي
خليك قريبه ياعابره