مسابقة رقم (1)

تعرف ( تعرفي ) على صاحب الصورة .. و الجائزة مائة من الإبل مقدمة من حظيرة عبد الخالق كحيل للمواشي بسودري :
الجائزة لصاحب أكثر اجابات صحيحة في البوست ..

أوشين كتب:

اين اسئلة المسابقه ياكمندان؟
واللا قصدك سابق (جري يعني)
هههههههه

لوكي الصبر يا أوشين ..
عالم ما عندها الصبر اليبل الآبري

أها الصورة نزلت يلا ورينا شطارتك ..

الجنا دا هول عبد الكربم الكوده لكن اسمو منو ماعارف (ورونا دا منو)

غايتو الجنا دا فيهو دم ناس عمك صالح ود محى الدين مع شوية هبشة خفيفة من الفناجرة
او العكس !

رسلنا ناقة نصبربها لامن القطيع يصل

نسيت اقول انو بكون من مواليد بداية السبعينات (لعنو) نوع المسجل دا بالضبط ظهر منتصف التمانينات
وكمان قعدتوا ونوع الطمبور توحى انو جايى جديد من الحجير لاحظ الغبشة والشعر الافروا , اما البنطلون المخطط والملاية ولون الجير فى الحيطة كلها اشياء اقرب الى ثقافة المدن - امبدة نفر-غالبا
والله اعلم

تكون دي صوره علي سكوتي لما كان شاب

سكوتي ايدك علي الجائزه ده الفنان عبد القيوم الشريف

فجراوى كتب:

غايتو الجنا دا فيهو دم ناس عمك صالح ود محى الدين مع شوية هبشة خفيفة من الفناجرة
او العكس !

رسلنا ناقة نصبربها لامن القطيع يصل

و الله إجابتك دي كورة لبن من الناقة ما تسقيك اياها
خليك من الناقة ..

sweet كتب:

تكون دي صوره علي سكوتي لما كان شاب

يا سويت ؛؛ سكوتي ما زال يتدفق شباباً و حيوية و ( نضار و طيب ) .. لكن قالوا :

الدنيـــا بتهينك و الزمـــان بوريك
و قِل المال يفرقك من بنات واديك

ما بتدي حريف ..

طبعا ياب علوة اخوي انا حكم بس يعني برة اللعب عشان ناس بلدكم ديلا انا ما شفتهم الا ود كحيل وعوض عباس يعني ممكن تشففني الاجابة وليك علي اغلبهم ليك ضحى

أوشين كتب:

سكوتي ايدك علي الجائزه ده الفنان عبد القيوم الشريف

مبرووووووووووووووووووك أوشيييييييييين
كدا نقول تستحقي حاشي .. لكن المسابقة مستمرة و هذا فقط السؤال الأول
و الجائزة لا تجزأ .

يوسف مدير كتب:

طبعا ياب علوة اخوي انا حكم بس يعني برة اللعب عشان ناس بلدكم ديلا انا ما شفتهم الا ود كحيل وعوض عباس يعني ممكن تشففني الاجابة وليك علي اغلبهم ليك ضحى

ود مدير يا حبيبنا نحن معولين عليك في المسابقة دي
يمكن تلقى لك 100 من الإبل ( و الإبل عز لأهلها )
و بعدين نحن عاصرين على المشاهير .. المسعلة ما ناس بلد بس .

السؤال الثاني :

دي صورة..............
العايزه يعرف دي صورة منو يتصل علي الرقم التالي

999

أوشين كتب:

انت غشيتني تاني ماعايزه معاك
عارفاااااااااهو ده منو بس no
الا تدني جائزتي بتاعت السؤال الاول

قلنا الجائزة في نهاية البوست يا اوشين و لصاحب ( أو صاحبة ) أكثر اجابات صحيحة
و بعدين الجائزة مقدمة من حظيرة خالك بسودري ..
و الحظيرة دي - لا ناقة لنا فيها و لا جمل .

وقع لك ؟؟

فى الليلة ديك

فجراوى كتب:

فى الليلة ديك

زيدان ابراهيم
مبروك يا كومر ..
عارف الأغنية دي قالوا أغنية الدجاجة المفضلة ..
و بما أنك اكتفيت فقط بالإشارة نحن كمان نديك ( ضل جمل )
خذ واحد من الجمال السود دي ..

الصورة أعلاه ليست سوى ظلال للجمال التي تبدو كخطوط بيضاء في الأسفل
هذه الصورة مأخوذة من مكان مرتفع عند الغروب ..
و يا للغروب و ما به من عَبرة للمستهام ِ و عِبرة للرائي

طبيب أسنان مشهور جداً .. اشتهر بالنكتة الحاضرة و خفة الدم و التواضع .. له اهتماماته بالرياضة و الفن و له صداقات عديدة بالشعراء و الفنانين و الصحافيين و الإعلاميين - شغل رئيس المجلس الطبي و مدير مستشفى الأسنان بالخرطوم ..من الطرائف التي تحكى عنه :
في مرة سايق العربية بتاعتو وقف في اشارة .. اتلفت يمينو لقى
حامد بريمة حارس المريخ السابق سايق لفت باك حمراء جديدة
ضرب ليهو العربية بيده وقال ليهو (لو ما كورتك دي والطب بتاعي ده كان مكاوينا تتطاقش ) ..
طرفة أخرى تحكى عنه : يقال أنه كان بمحطة البنزين و زوجته المصرية الجميلة بالسيارة و لاحظ الإستغراب في عيون الحاضرين الذين يقلبون نظرهم بينه و بين الزوجة الجميلة البيضاء فقال لهم : ( انتو أول مرة تشوفوا ليكم سندوتش جبنة بالزيتون ؟؟ )

رحمه الله رحمة واسعة - توفي بمصر و دفن بالحلفايا حيث كان يسكن و تقيم أسرته الآن .. فمن هو ؟؟

دا عوض دكام
الجائزه سريييييع وماتاكلني حنك