مسابقة رقم (1)

الزول منو ؟؟

هـجرة عـصافير الـخريف

فـى مـوسم الـشوق الحلو

هـيج رحـيلا مـع الـغروب

احـساس غـلبنى اتـحملو

وكتمت اشواق الحنـيـن

داير الدموع يتّـقـلـو

ورجعـت خليت الـدموع

يـنسابو ..مـنى ويـنزلو
...

ليـه يا عصافيـر الخريف

خضرة مـشاعـرى اشيلا صيف

تـحت الـغمام شـايف

مـواكب الـهجرة اتـلاشت سراع

ليه يـا عـصافير ليه الاسف

مين علمك أسف الوداع

وعارف دا ما اول سفر

لبلاد بـعيدة بـدون مـتاع

زى ما بتخافي مـن الرياح

بنخاف كمان نحن الضياع

ليه يا عصافير .. ليه الضنى

صفقة جناحك احزنا

غـايـب الـسنين الـليله

مالو غنا العصافير غـلبو

طراهو زولا كان ولوف

كم رضا خاطرو وطيبو

سمع قليبو كـلام حـنين

هـدهد مـشاعرو ودوبـو

الـناس سعيدم فى الـحياة

لا ضاق فراق لا جربو

وانا حالى فى بعد الوطن

دفـعنى ضي العين تمن

اسحاق الحلنقي ..

مبروك أوشين عندك جركانة زيت كبيري و تدي معاك عابرة رطلين مع الفاضي

من أشهر الشوارع في الخرطوم عموم :

عابره كتب:

الا حولى الله
الشئ دى من زمن البص ابو نضارات


يبقالى كدى ده شارع القصر
انا خياال ولا شنو

صحيح يا عابرة ..
شارع القصر .. و واضح من فندق الميريديان علي اليمين
بعد الفندق بمسافة تجيك كلية الصيدلة و الطب جامعة الخرطوم على اليمين
لامن تجيك السكة حديد في وجهك و المعمل القومي ( ستاك ) على اليسار
و بداية الصورة تقريباً تقابل سينما ( كلوزيوم )

من يكون صاحب الصورة ؟؟

الشاعر حميد

نعم .. هو فخر شعراء الشمال محمد الحسن سالم ( حميد )
مبروووووك أوشين

فجراوى كتب:

من هم ؟

هناك جائزة قيمة لمن يتعرف على 9 أشخاص من مجموع الموجودين فى الصورة

غايتو غير القعونجي الشوم دي ما ظهر عندي شي !!

1.. الأستاذ حسن عبدالرحيم عبده كاشف
2..محى الدين سكوتى
3..زكريا محمد السيد


بس الصورة قديمة من زمن موضةالخنفس...يعنى دايرة شوية اجتهاد ونواصل

9 دي لكن ما كتيرة يا شيخنا ؟؟
انا يبقالي التسعة ديل انت ذاتك ما بتقدر تطلعهم
غايتو الحاج محي الدين واضح و زكريا محمد السيد ( نوعاً ما )
الأستاذ حسن عبد الرحيم فعلاً يوجد شبيه له هنا لكن لا أعتقد
هو نفسه الأستاذ ..
واضح كذلك الريس سيف الدين ( لم يتغير كثيراً ما شاء الله )
و على يمينه ( اعتقد ) فيصل محجوب و لاّ شنو يا ود كحيل ؟؟
و إن كان فارق السن كبير بين فيصل و المجموعة .. و على يسار
سيف الدين لا يخلو من شبه أولاد عمك ( علي أفندي ) ..
الزول الأسمراني الجالس يسار محي الدين أنا شايفه في صور كثيرة
لكن راح مني ..
أعتقد الصورة في مناسبة بالخرطوم في عام لا يقل عن 81-82 بأي حال
من الأحوال ..قدر ما دققت ما شايفك يا فجراوي تكون ماسك الكاميرا؟؟

سؤال صعب للغاية و صورة تحمل في طياتها ذكريات جميلة لزمن أجمل
و أكيد الأيام فرقت و المرض لم يقصر و يد المنون قد تناولت من تناولت
الصحة و العافية للأحياء و الرحمة و المغفرة تنزل على من رحلوا
ان كان فيهم من رحل ..

و منتظرين المزيد من التوضيح ..

1/عثمان الصايغ
2/السر حسنا
3/محي الدين سكوتي

4/محمد فتح الرحمن (حمادي)
دا انا ما متاكدة هو ولا يا فجراوي.....

عثمان الصائغ اقصى اليمين جلوس
عادل العنبر خلف عثمان الصائغ
فيصل محجوب جوار عادل العنبر

اظن ذلك

و عند جهينة الخبر اليقين .
المكان : أم بدة
الزمان : 1983م
المناسبة : زواج الخال علي أحمد حسين
1- محي الدين سكوتي
2- سيف الدين محمد السيد
3- محمد أبو يسرا ( ابو نظارة في الرأس )
4- عثمان الصائغ و عن يساره :
5- سيف الدين الزين قسم السيد ( جعلي من العالياب )
6- أحمد التوم عبد الله ( الجزيرة - الان بالقصيم السعودية )
7- ابراهيم وداعة حاج طه (خلف عثمان الصائغ )
8- زكريا محمد السيد
9- عباس أحمد جلاب ( في الزاوية على اليسار )
10- الممثلة القديرة فايزة عمسيب ( مشاركة في الفرح )

رقم ( 5-6) أصدقاء و جيران عثمان الصائغ - الثورة الحارة الخامسة - تخليص مطار الخرطوم سابقاً .


المصدر : الإستعانة بصديق .

أها شن قولك ؟؟

5/محمد جبارة

يديك العافية نجلاء ..
لكن ود جبارة ما أظن عنده وجود هنا .
وييييين الزول صاحب السؤال ؟؟
بدل تسعة جبناهم ليه عشرة .
و غتس الغتسة الياها .
يا أخي عفيناك من الجائزة تعال صحح بس