مسابقة رقم (1)

فجراوى كتب:

اقتباس :

و الثالثة للقانون و علي قاقرين ( على ما اعتقد ) أما الحكم الدولي ما عرفته صراحة .

هههههههههه
إن شاء الله ياعلى سكوتى تقرقر لامن تقع على قفاك ..قول أميييييييييين
يا أخى كمون سنس ساكت مافى .. الزول دا لعب مع برعى تقول لى على قاقرين ؟
المهم الأجابة غلط جدا وتستحق خمسة عرجونات بعد صلاة الظهر
----
* الاعب : صديق منزول
الحكم الدولى : شاكر النحاس

وطبعا التحيات النواضر

شن خبرني بيهم يا أخي ديل كلهم من زمن جوز الحمام كان 3 فردات ..
عموماً مشكور و التحية للاعبنا صديق منزول صاحب القدم الأقوى و الكرات القوية و لكل عمالقة الرياضة في عصرها الذهبي و نحيي كذلك ناس الشوت الضفاري .

عابره كتب:

اول اضمن الجائزه التى
حتين اجاوب على السعال ده
لكن ممكن اقول النص الاول من الجواب

وهو فنان بيغنى بالطمبور
لقيتنى كيف ختيره موش

ختيرة ختارة جد .. و دي نصف الإجابة
و أزيدك علم هو أفضل من يجيد العزف على آلة الطمبور
و هذه شهادة فيه من ملك الطمبور النعام آدم ,,,

يبقى منو ؟؟

ادريس ابراهيم (علي ذمة قوقل)

أوشين كتب:

ادريس ابراهيم (علي ذمة قوقل)

بالغتِ يا أوشين و عمك قوقل ذاااتو بالغ
الراجل مرمى حجر منك في البلد ..

الصور القديمه ده مابعرفه والله
وادريس ده ذاتو مابعرفو

أوشين كتب:

الصور القديمه ده مابعرفه والله
وادريس ده ذاتو مابعرفو

اي سووووووب فوقك يا أوشين
من عمالقة الفن الشايقي و أفضل من يجيد العزف على آلة الطمبور
من أبناء المقل و منطقة الهادياب تحديداً .. أها تاني فضل شنو ؟؟

والله الاجابة دى أنا ما بقبلا ...هو سكوتى غششك ليها عشان الجايزة ماها مارقى من مراحو ...وانتو اللتنين اسواب ودايرين
تفضوا زريبتى تودوها ساقة على ولا و ادريس.....لاكين أنا صاحى ....شوفوا غيرا....
وبرضو التحيات النواضر

فجراوى كتب:

محمد جبارة

---

أبعت

مبروك يا فجرنا ..
ود جبارة قامة سامقة و رائد من رواد الأغنية الشايقية و ملك الطنبور بلا منازع .. شكل هو و المبدع الشاعر السر عثمان الطيب ثنائية متفردة و مثلا جناحين حلقا بهما في سماء الأغنية الشايقية و لهما أغاني خالدة مسجلة بالإذاعة السودانية أهمها ( بحر المودة ) التي تفيض بالحب و المودة للأم لحناً رائعاً و اداءاً مميزاً مسنود بقوة الكلمة موضوعة في اطار محكم بنغم طنبور ود جبارة المميز .

ودكحيل كتب:

والله الاجابة دى أنا ما بقبلا ...هو سكوتى غششك ليها عشان الجايزة ماها مارقى من مراحو ...وانتو اللتنين اسواب ودايرين
تفضوا زريبتى تودوها ساقة على ولا و ادريس.....لاكين أنا صاحى ....شوفوا غيرا....
وبرضو التحيات النواضر

ود كحيل يا صديق ..

درب الحلي جابك .. مالك ما غشيت ؟
مستهون عذابك .. و الاّ كمان نسيت ؟

نحن ناوين نعينك رئيس لجنة التحكيم للمسابقة و راعياً لها لأنك ببساطة صاحب الجلد و الراس .. خلي بالك من الثروة و حسن العلف للجمال و أوعك من رعية الشوك و الطرفي .. العلوق لازم يكون فيتريتة و قصب سكر .. و بعدين لا تنسى صاحب الفكرة من الهبات و العطايا .. أقلاها 70 من الزريبة الورانية .

بنهاية الجولة الثانية الدرجات كالتالي :
(الدرجات للجولتين الأولى و الثانية معاً )

1 - ود مدير في المقدمة ( 8 درجات )
2 - فجراوي يقفز للمركز الثاني ( 7 درجات )
3 - أوشين تحل ثالثاً برصيد ( 6 درجات )
4 - عابرة ( 4 درجات )
5 - سويت و سكوتي .. ( 2 درجة ) لكلٍ
6 - رونق علي ( 1 درجة )

و التحيات الزاكيات .. و حظاً أوفر في الجولات ال 88 القادمة

فجراوى كتب:

واهنئ الجميع بالفوز
وخصوصا صاحب الجائزة الثانية


*نفهم من كدا انو خلاس با بح ولا فى دور تانى عشان نتحضر

لسه برضو الجاية جاية
المسابقة من 90 جولة ..

استعدوا و نحن في بداية طريقنا ..

[img][/img]

راحت عليكي
ده جعفر نميري

عابره كتب:

غايتوا انا دايره الجائزه التى
كان ما شوفتها بعويناتى ديل

ما بجاوب تانى السعالات الجايه


اها الزول ده بعرفوا بس ما بقول

الجائزة موجودة بحوزة خالك ود كحيل .. ما عليك الا تختفي رجلك على بحر أبيض و من هناك خفسة على سودري .. الخير باسط ؛ ختي الرحمان في قلبك أو بمعنى آخر اترحمني و أرحمينا بالله من الزول البحفر في التوقيع دا هو أصلو عايز يطلع شنو ؟؟.. عندك اتنين واحد في صورة البروفايل دا بقوِّم عليّ الحساسية بشعره البلا كركعوبة العُشَر دا .. و التاني من أشوفه يمسكني صداع بس تقول بحفر في راسي دا .

أوشين كتب:

راحت عليكي
ده جعفر نميري

ألف مبروك أوشين ..
و هنا أيضاً يظهر ( أب عاج ) أيام مجده - لكن ما دامت و ما بتدوم ..

من رائدات الفن في السودان ...

دى حواء الطقطاقه ولا انا كذابه

sweet كتب:

دى حواء الطقطاقه ولا انا كذابه

ماشية كويس يا سويت .. و نقول قربببببتِ
لكن ليست حواء الطقطاقة
من أغنياتها مبروك عليك الليلة يا نعومة
و الشيخ سيروه ...

الفنانه مني الخير