السودان والاخفاق في بداية المشوار

المنتخب الوطني بدا بداية غير مشرفة في دورة دول حوض النيل التي تستضيفها مصر بخسارتة من المنتخب الكيني بنتيجة واحد_صفر وجاء الهدف عن طريق ضربة جزاء التي قام بها حارس المرمي بهاء الدين بعرقلتة لاعب المنتخب الكيني داخل منطقة الجزاء لينتهي الشوط الاول والثاني بنفس النتيجة وبذلك يرفع المنتخب الكيني رصيدة الي 3 نقاط فيما يظل منتخبنا محتفظ بالمركز الاخير بدون نقطة.

والله التقول رامينا جمل ياود التوم خسرنا اسهل تلاتة نقاط من قولة تيت
حاجة تقرف
وقول يالطيف

فجراوى كتب:

والله التقول رامينا جمل ياود التوم خسرنا اسهل تلاتة نقاط من قولة تيت
حاجة تقرف
وقول يالطيف

دي ما جديدة علينا يا ريس بس مشكلتنا نحن عارفييييين العلة وبرضو بنصر على التمادي في الخطأ ولا نستفيد من التجارب الكثيرة ابدا. ولذلك ما ممكن نتقدم كرويا ولا في اي مجال طالما نحن بنركب الشغلانة لبط ساكت بدون منهجية علمية مدروسة وبنيات اساسية (الاشبال) بس اللاعب لا مؤاذة من الخمارة للكدارة طوالي والنتيجة هزائم وصرف على الفاضي.
يمين اذا تيم زي دا خسر وسلموا للجيش فرت شهر في الصقط دا اكان قالولم اتغلبوا تاني ما ينغلبوا؟

وبرضو يقولوا ليك حظنا كعب لعبنا وما ادتنا


وسلم لي علي الفريق (اللومي) دا (لانو ديمة شاليل ومشيلنا اللوم ووش القباحة) ونحن بصفتنا ناس مؤسسين للاتحاد الافريقي لكرة القدم (الكاف).
والتحيات النواضر

نحن بالجد فقدنا اسهل ثلاث نقاط
لكن عندنا امل في القادم ...
ربما جاءت الخساره للاستهتار بالفريق