احبائنا اليكم بعض من كلمات هذا القامه الرائع الاستاذ الحبيـــــب
وارجو من الساده المسؤلين ان يؤسسو لشعراء المنطقه بهذا المنتدي
الاستذ القامه
الحبيب
ونبدا من روائعــــه
لـــــيالي الظلمـــــــــــة
دايــمــاً أبــكــي أرســــل فــــي دمــوعــي غـــــزار
لكـن كيـف أعـود وألقاكـي دايمـاً فـي لقـاك محـتـار
لــو كــان الـزمـن فرقـنـا مـعـروف الـزمـن غـــدار
لـكـن كـونــو مـــا ودعـتــي لـغــزاً حـيــر الأفـكــار
صبرت القليب قت ليهـو يمكـن خايفـي كـان تنهـار
دايـمـاً إنـتـي لــيَّ تجـافـي لـيـكـي بـفـتـش الأعـــذار
عشانـك لـي بـلادي بغنـي وأهديهـم سلامـي الحـار
لـي أهلـي وصغِّيـر بيتنـا لــي نــاس ستـنـا وعـمـار
بهديـهـو الـسـلام الغـالـي للـنـاس الصـغـار وكـبــار
لـلـزول البيـسـأل عـنـي والـــزول البـعـيـد والـجــار
للعيش الطوال بي غـادي فـي الجزيـري والأزهـار
للطيـر البينـزل فـوقـو خـتـف رزقــوا مـنـو وطــار
لـي كـل المزارعـيـن جمـلـة والتـاجـر مــع النـجـار
والـمـيـزان وحـتــى الـمـويـة والـطـوريـة المـنـشـار
للنـيـل والنـخـيـل الـذاكــرو والناسـيـهـو والأشـجــار
للعش اليميل بي فراخو ساعة النسمة في الأسحـار
لـي أرض القلـوب الطيبـة أرض الطيبـة والأخيـار
للجـاهـل صغـيِّـر قـوزنــا مـــن نافعـابـنـا للمـخـتـار
مـا أجمـل ليالـي البهجـة فـي داركــم مــع الأوتــار
مشتاق لـي مدايـح السيـرة فـي بـرداً شديـد والطـار
أمـا عـن العلـي والـبـي بــي لطـفـوا الكـريـم سـتـار
تائه في صحاري وجافة تـب مـا بتعـرف الأمطـار
ساير فيها من غير هادي برضي مواصل المشوار
راجي سحابا طول أيامي يوم مـا طـارت أم بشـار
والليـل فيهـا قاتـم الظلمـة خليـك مــن نـهـاراً حــار
تائـه فـي ظـلامـوا أنــادي ويــن يــا دنـيـة الأقـمـار
مـالــك يـــا لـيـالـي عـلــيَّ هـمــك يـلـفـت الأنـظــار
مـالـك يــا لـيـالـي الظـلـمـة أحـداثــك عـلــيَّ كـتــار
متلـفـح عــذاب الـدنـيـا فـصــل مـنــو تـــوب وإزار
آه يــا نــور حيـاتـي الـولـى آه يــا ملـهـم الأشـعــار
يا نعمات لهيب أشواقي زايدي الفرقة جمروا أوار
وين بسمات تكشف الظلمة مـن قلبـي وتشـع أنـوار
طيـفـك ليـلـي كـلـوا مـعـايـا يـتــراوح مـــع الـبـهـار
آه مـــن دنـيـتـي واقـــدارا آه يـــا لـعـبـة الأســــرار
قلبـك مـن طهـارة ورقـة حـاكـى صحيـفـة الأبــرار
لـو طـال العـمـر بلقـاكـي سبـحـان مـالـك الأعـمـار
========================
عابرة بين الواقع والخيال
يـاعـابـرة انـتــي ســـراب لـكــن حقيـقـيـة
جـوايـا بـيـن الـبـيـن لا مـيـتـة لاك حـيــة
يــادار أمـانـي ســلام بالـشـوق عرفنـاكـي
مـشـتـاق لـرؤيـاهـا مـــن قـبــل رؤيـاكــي
وريهـا قيـس فـي الـبـاب مستـنـي يـلاكـي
راجيـكـي رغــم الـكــان لـوعـنـدك الـنـيـة
رغــم الـظـروف الآن ياعـابـرة مـانـاسـي
انـك معـاي فــي يــوم قـدرتـي إحسـاسـي
مــا أجـمـل الإلـفـة لــولا الـفـراق قـاســي
يـاريـتـنــا لا كـــنـــا ولا بــيــنــا حــنــيــة
ترغـب فـتـاة الـيـوم فــي فــارس أحـلامـا
أموالـو قـبـل الـريـد فــي عــرف أحكـامـا
وماشـرط جـات مـن ويـن مـاطـال قـدامـا
باكـر تطالـع النـاس فـي خـدعـة زوجـيـة
مـاهـي مـلــك الـــزول العـقـلـو شيـطـانـي
عـايــش بـفـكـر الـغـيـر لـكـنـو ســودانــي
سلـب حقـوق النـاس فــي طـابـع انسـانـي
الفـكـرة حـــب الـــذات والـنـظـرة مـاديــة
والـكـاتـب المسـكـيـن مـنـحـورة أحـلامــو
دايـمـاً حيـاتـو خـيـال مـاواضـحـة قـدامــو
يسمع ضجيج أطفـال فـي غمـرة أوهامـو
بيـنـن يعـيـش فــي بـيـت أحـلامــو وردي
يابوي صبـاح الخيـر يامامـا كيـف حالـك
ماالليـلـة عـيــد مـيــلاد مانـحـنـا أطـفـالـك
مـبـروك هـديـة العـيـد شيـتـاً يـسـر بـالـك
قـبـلاتـنـا والإخــــلاص عـديـهــا عـيـديــة
ولمـن يفيـق بيصيـح مـن صـدمـة الـواقـع
فـي قبـضـة التـجـار بـيـن الـديـون راكــع
مـن وطـأة الأمطـار أولادو فـي الـشـارع
ومستـنـي آخــر الــدور راجـيـلـو مـاهـيـة
وأمنـا المخـازن ويـن أزفـت مـن الكاتـب
هم في الحقيقة أخوان في القيمة والراتب
أضـحـت قضايـاهـم حـبـلاً عـلـي قـــارب
واتـجــســد الإهــمـــال هـيــئــات نـقـابـيــة
لاقـانـي جـبــر الـــدار بالـصـدفـة لاقـيـتـو
راجـل عجـوز ثرثـار شايـل همـوم بيـتـو
شـرح لـي فـي الأحــوال الطلـعـت زيـتـو
أصغيتـلـو بــي إخــلاص سـويـتـو راديَّـــا
مابيـنـو بـيـن عــلان الحـيـطـة مـكـسـورة
جـات كلبـة الجيـران سعـرانـي مسـعـورة
لاقت عماد في الحوش يلعبلـو فـي كـورة
نامتـلـو فــي الإبـهــام والـدنـيـا عـصـريـة
عجـلان علـي الدكـتـور أسـرعـت وديـتـو
راجـنــو لا بالـلـيـل مـاجـانـا مـــن بـيـتــو
لـمـان وصــل شفـقـان أسـرعــت لاقـيـتـو
قبـل الكشـف فـي الحـال طقانـي بـي ميـة
وأدانـــــي روشــتـــة خـطــاهــا وقـــافـــي
فتشت فـي الأسـواق مصـل السعـر مافـي
ياإبنـي شيـلا معـاك ساعدنـي مــن مـافـي
مـا إنـت زول شـغـال فــي وحــدة طبـيـة
ياإبني سارح وين وأنا في همـوم رابطـة
لايبقـي قولـي مـعـاك أذنــت فــي مالـطـة
حـاول بقـدر الكـان شغـل الزمـن واسطـة
مـــا إنـــت والمـسـئـول الــكــل حـرامـيــة
أبــداً كـلامــو صـحـيـح هـزتـنـي أقـوالــو
لـكـنـي زيـــو تــمــام زولاً قــــدر حــالــو
آلامـــــو آلامـــــي وأحــوالـــي أحــوالـــو
لـكـن عــن المسـئـول ماجـابـا فــوق نـيــة
ياعمـي جبـر الـدار مــاك الـبـراك حـايـر
أنـا وانـت مـن مليـون بيهـا الزمـن دايــر
جمجـمـة الآمـــال فـيـهـا الـجــرح غـايــر
القـاضـي والدكـتـور اليمـشـو فــي داهـيـة
يحيـا الدكاتـرة جميـع أنـا عنـهـم راضــي
هــــم مـنـنــا ولـيـنــا الآســــي الـقــاضــي
من غيرن الإضـراب زي الكـلام فاضـي
أنــا قـاصـد الماسكـيـن خـانـات وزاريـــة
أورنيك من الإسكان تلقاهـو فـي الصحـة
وبالعكـس فـي الإسكـان تطلـب دوا قـحـة
ياعمـي جبـر الـدار ديــل للـوطـن قـرحـة
أنــواع مــن التسهـيـل أغـراضـا حـزبـيـة
مليـون صحيـفـة تبـيـن مرسـولـة للـقـاري
فيها الخبر منشـور واضـح عديـل عـاري
تظهر صحيفـة دفـاع تنفـي النبـا الجـاري
والـشــارع المسـكـيـن فـــي مـحــو أمـيــة
يامـعـشـر البـولـيـس مـــا إنـتــو إخـوانــي
ساعدوني في التخليص من قبضة الجاني
بــس قلـلـوا البمـبـان مــن فـتــرة للـتـانـي
بكـرة الحقيقـة تبيـن لــي نــاس عواطلـيـة
مـايــلا يـــا أولاد خـارجـونــا خـارجـونــا
الكـاكـي عــز ام زيــن الـيـدو مضـمـونـة
حــريـــة الـتــجــار حـــريـــة مـطـعــونــة
المـوت ولا الأحـزاب فــي رايــي حـريـة
===========================
آخـــــر الكلمـــــــات
يـــا فـاطـنـي هـــاك تـمــن الـتــي سـكـبـت يـــداك وشـربـتـهـا
أنــجــم مـوقـعــي مــــن ســمــاء لــيــل الـضــيــاع جـمَّـعـتـهـا
هـــــي آخـــــر الـكـلـمــات شــعـــر لا قـبـلــهــا ولا بــعــدهــا
.
لــو مـنـك إنقـطـع العـشـم صـعـب الـمـرام مـــا فـيــش رجـــا
نجيـنـي مــن طـوفـان هــواك مــا قبـلـي كـــان إبـلـيـس نـجــا
أنـــــا كـــــم شـرحـتـلــك الــعـــذاب حـجـيـتــك الآلام حـــجـــا
بلـت هديماتـي الـدمـوع شريـتـا فــوق حـبـل الصـبـر نشفتـهـا
.
صـــبـــراً جــمــيــل حـــتـــى الــصــبــر شـــافــــوا إتـــوهــــم
نـاديـتــو قــــرِّب مــنــي جـــــاي ظـنــانــي أيـــــوب إبـتــســم
حدثـتـو بــي قـصـصـك مـعــاي قـطَّـعـت كـبــدو مـــن الألـــم
يا مُـرة الزمـن العجيـب ويـن الأمانـي الفـي الطفولـة حلمتهـا
.
سـافـرتـلـن عــبـــر الـخــيــال ووصـلـتـهــن عــنـــد الـعــشــي
مــريــت بــالــدرب الــزمــان عايـنـتـلـك مــــا شــفــت شــــي
قـنـبـت فـــوق درب الـتــرك كـلــت خـطـايــا مــــن الـمـشــي
مـــرت عـلــيَّ وجـــوه كـتــار زمــنــاً طــويــل مــــا شـفـتـهـا
.
لاقـيـت هـنـاك حـظـي التعـيـس شايـلـوا شـوكـي ألَّـــت كـتــر
صـادفـنـي سـايــح فـــي الـبــلاد ظنـيـتـوا نـبــي الله الـخـضـر
لـمـيـتــو عـلـمـنــي الـســهــاد فـارقــتــوا عـلـمــنــي الــشــعــر
كلمات عشقتها في الصغر والليلة جانا غلا المهـور عرستهـا
.
وفـضـلـت لافـــي عـلــى إيـجــار دورت مـــا لاقـيــلا بــيــت
لا فـي الكلاكلـة ولا المسـح لا فــي الصحـافـة ولا أركـويـت
كوركـت أرجعـي بيـت ابـوك قـالـت لــي بـاكـر ويــن ابـيـت
ساعة خلاص حار الفكر سويتا في بيت مـن شعـر وسكنتهـا
.
لاقــتــنــي بـــــــت ســـجــــم الـــرمــــاد خـــايــــب الـــرجــــا
لاقتـنـي مـارقـي مــع العصـيـر لــي بـيــت عـــرس متـبـرجـا
صــــوت الـمـسـجـل والـهـجـيـج لــنــب الـنـيــون والـبـهـرجــا
ضحكت معاي قربت أجن خزنت في طـرف الظلـط ركبتهـا
.
طشـيـنـا مــــن بــيــت الــعــرس خـشـيــت مـعـاهــا السـيـنـمـا
شـاهــدنــا أفـــــلام الـكــفــر جــوانـــا طــفـــل الــشـــر نــمـــا
واتحـقـق الحـلـم القبـيـل ظنيـتـو أبـعـد مــن نجـيـمـات الـسـمـا
نـامـت عيـونـي عـلـى الـذنـوب وأنــا فــي الحقيـقـة اسهرتـهـا
.
بـاكــر مـرقــت بـــلا فـطــور واصـــل مـرقــت بـــلا غـــدي
كـوركـت فــي آخــر النـهـار مـلـعـون أبـــو الـزمــن الـــردي
يـحـرق حضـارتـك يــا مــدن لـــو كـــان بـقــت بالـحـالـة دي
شــــن فــايــدة الــكــرم الـرخـيــص لــمــا الفـضـيـلـة كتـلـتـهـا
.
إيـــــه الـدهــاكــم يـــــا بـــشـــر بـــقـــت الـــمـــآذن واهـــيـــة
إيــــه الـدهـاكــم يــــا بــشــر مــــا بــيــن تـكـونــوا سـواسـيــة
بــشــراك يــــا زمــــن الــدجــل لا فــيــك رســـــل لا أنـبــيــا
افنيـت مواثيـق الـجـدود مـريـت عـلـى كــل العـهـود نكستـهـا
.
أسـفــاي عـلــى يـوســف كـلامــاً قـالــوا أيـــوب فـــي الـكـبـر
واللـيـلـة بـتـأسـف عـلـيـك مـــع إنــــو مــــا ذهــــب الـبـصــر
مـاشـيــن عــلــى جــبــاً عـمـيــق دقــــت نـواقـيــس الـخــطــر
شبعت تماسيحنا الأمس والليلة جات واحدات صغار رشحتها
.
وأيـديـا فــوق قـلـبـي وأخـــاف مـــن بـكــرة تـكـبـر وتـفـتـري
تــحــرم غـنـيـمـاتـي الـــــورود تـقــطــع قـلــوبــن بـالــجــري
تجـمـع تسـابـق فــي الـزمـن تـركـب حـصـان إبلـيـس عــري
تـمـســك دروب أمــمــاً خــلــت خــســرت نـفـوســا وربــهـــا
.
وأمــــرق أاذن زي امــــس يــــا ظـالـمــة جبـتـيـلـنـا الــجـــلا
مــا تستـحـي ومــا تخـتـشـي ومـــا تـرجـعـي ورجـعــك بـــلا
فـزيـنــا خـلـيـنـا الـبـحــر لاحـقـانــا فـــــي صـــــوف الــخـــلا
تعـلـن عـلـي عــدة تـهـم أنــا لا رأيـتــا ولا حـيـاتـي عملـتـهـا
.
ترمـيـنـي فـــي جـــوف الـسـجـن تـهـجــم عــلــي الـذكـريــات
وأســـأل عـــن الـســر العـظـيـم ســـر الـمـبـانـي الـشـامـخـات
وأكـتـب عـلـى حـيـط الـسـجـن مـأتــم شـــرف جـوانــا مـــات
وأرجـــع وألـــوم نـفـسـي وأقـــول أنـــا مــــا قـبـيــل ايـدتـهــا
.
مــــا كــــان قـبـيــل شـفـنــا الـتـجـسـس والـعـدالــة الـنــاجــزة
كـانـت قـويـة عـلـى الضعـيـف لـكــن عـــن الـقــوي عـاجــزة
رفـضـت دخـــول الـبــاب عـديــل فـرضــت دخـــول الـنـافـذة
إش معنـى يـا شعبـي الكريـم بعـد التسلـط والمحـن سامحتـهـا
=========================================
في صورة ساقية
لحـظـات مــن الـزمـن مسـروقـة قـبــال البـوابـيـر
فـيــهــا كـــــل الـمــاضــي مـنــقــول بـالـحـذافـيــر
فــي عـيـون الـغـيـري صـــورة مـــن التـصـاويـر
إلا لــــــــي أنــــــــا فـــيـــهـــا آلاف الـتــعــابــيــر
فــــي الــدلــس والـعـطـفـة والــديـــو والإشـيـقـيــر
ديـمـة بنـظـم شـعــري يـــوم مـــا خـانــي تعـبـيـر
بي حبال وجلود بقر منسوجة لا صامولة لا سير
تنـسـاب المـيـاه فــي دروة فــي بـــدل المـواسـيـر
جـــــاري زي ايـامــنــا فـــــي إيــــــد الـمـقــاديــر
لـــو كـــان الـفــرق بينـاتـنـا يـنـقـاس بالـمـشـاويـر
كـــــت بـجــيــك والله مــهــمــا كـــلـــف الــســيــر
ويــن زمــان عشـنـاهـو نـجــري ورا العصـافـيـر
وفــــي عــشــوش الـقـمــري فـتـشـنـا الــزرازيـــر
ويـــن سـنـيـن الـمـاضـي ويـــن لـحــن الطـنـابـيـر
ويـــن زمـــن فـرحـتـنـا ويــــن طــعــم السـنـانـيـر
داك زمـانــاً ولـــى يـــا أحــمــد مــكــي والـخـيــر
عــــن زمــانــا الـحـالــي هــــل تــدونــي تـقــديــر
تــهــت دايــمــاً فـيــهــو كـــــم فــكـــرت تـفـكـيــر
وأصـلــي غـيــر الـوجـعـة مـــا لاقـيـلـوا تـفـسـيـر
ولــي جــرح مــا بـيـبـرأ دايـمــاً زايـــدوا تفـجـيـر
بــــي حــبــال الــذكــرى كــــم عــورتــو عــويــر
==========================
يا نفسي ليه
إنـتــي لـيــه يـــا نـفـسـي لـيــه ثــابــت هــواكــي
لــي حبـيـب ناسـيـكـي فـــد يـــوم مـــا طـراكــي
مـن بعـد الحنـان والإلفـة والـريـد فــي صبـاكـي
لـيـه جــار الـزمـان الليـلـة عـكَّـر لــي صـفـاكـي
كم عانيت هموم يا نفسـي كلـو عشـان رضاكـي
ولـهـان والصـبـر كملـتـوا مـــا اتـحـقـق مـنـاكـي
مـا همانـي ليـه يـا غالـيـة حــال النفـسـوا بـاكـي
بـي ألمـو وجراحـوا الداميـة فـد يـوم مـا نساكـي
رغـم الكـان وهـجـرك ليـهـو كـتـر مــن غنـاكـي
كــان متمـنـي يــوم يلقـاكـي يسـعـد بـــي لـقـاكـي
كـم فـي ظلمـة يبكـي ويبكـي عبَّـر عـن هـواكـي
يحكـي لـك عـذابـوا البيـهـو والحـاصـل وراكــي
راجيـك بـي عـذاب خلاهـو حفـظـاً لــي ولاكــي
ومـا هماكـي ليـه يـا حلـوة كـم صـابـر رجـاكـي
لـيـه زدتيـلـوا لـيـه آلامــوا والـجــرح الـطـواكـي
والكان لي سعادة اياموا كانوا قصدوا اصطفاكي
================================
عصفور الصباح
عصفـور الصبـاح بيغـنـي لـمـا اللـيـل يـولـي سـتـارو
سبحـان الوضـع ياعابـرة فـي صـدر الكنـار مزمـارو
كـم يشجينـي لمـا يغنـي يجلـي الماضـي بـي اسـرارو
شايفك بي وضوح ياأماني والكل في السنين إنضارو
فـي موكـب هوانـا أبحرنـا فـي زمـن الـقـدر اخـتـارو
راقدين في أمان وغفلنا من ريـح الفـراق وإعصـارو
يـوم نـزل العـزول ساحتنـا مـا اتنبهنـا لــي اخـطـارو
ماقايليـن ودادنـا الصافـي مـا ح نجنـي غيـر تذكـارو
داهمنـى الرحيـل ورحلـت لكـن مانـى مــن انـصـارو
والـنـاس مابـتـريـح الا مـاسـايـب هـــواك ان طـــارو
مامليـت يــوم ذكـراكـي فــي دربــاً طـويـل مـشـوارو
كالنيـل فـي البـوادي بيـجـري يــوم ماانعـكـس تـيـارو
بطراك وانتي وين ماكنتي لي عشـق الفـؤاد تكـرارو
لـو طيفـك يطـوف يغنينـي مـن ليـل النـجـوم سـمـارو
حر أشواقي ليـك ياعابـرة أحـر مـن الصيـام ونهـارو
مترقـب زمــن لقيـاكـي زي سـاعـة الآذان وافـطـارو
مانسانـي طـول الـمـدة مــازال قلـبـي فــي إصــرارو
مكتـول العيـون ياعابـرة مـن ويـن دار يفـتـش تــارو
ياكوكب سماي الضاوي ماغـارت شهـب فـي مـدارو
كاسيهـو الوقـار بـي حلـة أجمـل مـن زحـل وأقمـارو
==============================
في جـــــــنابك
فـي جنانـك عشـت عصفـور انشـد الاشعـار واغـنـي
مبتـهـج طـوالـي مـسـرور وانـتــي ماخيـبـتـي ظـنــي
بالقليل عاجباني دنياك راضي عنـك وراضـي عنـي
الحصـل ماكـان بـي ايديـك لاهـو منـك ولاهـو منـي
وهـكـذا الايــام دوالـيـك مـــره تـهــدم ومـــره تـبـنـي
يابـلـد ارض الله سـاحـات واسـعـه لـكـن مابتشيـلـنـي
غير نخيلك مافي واحات من هجير الصيف تجيرني
الالـم خلانـي مزمـار روح غنـاي بـي حجـم حزنـي
مالصبر في الدنيا كـان نـار فـي حيـاة الاخـره جنـي
ياغـزالاً كـنـت راجـيـك ويــن عيـةنـك راحــو مـنـي
ياحليـلـك ويــن اراضـيــك لامـتـيـن عيـنـيـك يـجـنـي
الزمـن دايرنـي محـزون مابيطيـق فرحـان يشوفـنـي
باقيـه لـي ذكـراك أفيـون ديـمـه شــارد فيـهـا ذهـنـي
الزمـان ماسعيـو مشكـور حـب يسعـد نــاس ظلمـنـي
وانـت ذنبـك ديمـه مغفـور بيـن منـي العـزال ومـنـي
يــا أريــت ذي عــرش بلقـيـس قـبـل ماتـرتـد عيـنـي
يوم لقيت الجان جواسيس بيك فـي لحظـات تصلنـي
فـي هـواك لوكنـت مهـجـور مـاهـواك علمـنـي فـنـي
بي حروف ياغالي من نور في وشي التاريخ كتبني
===============================
محــــض صــــدفة
مـرة صـرح لـي بــي ســؤال
يـــوم لـقـانـي كـأنــي تـمـثــال
مـالـي شايـفـك شــارد الـبــال
قـلـت ليـهـو سبـانـي الـجـمـال
كـان قريـب وظريـف الـدلال
ورغــم قـربـو بـعـيـد الـمـنـال
كالـقـمـر فـــي لـيـلــة كــمــال
في الضواحي يضاحك التلال
فـي العيـون والجيـد كالغـزال
يمـشـي كالـطـاؤوس باختـيـال
والقـوام ممـدود فــي اعـتـدال
وفـي طباعـو بديـع الخـصـال
محض صدفـة ويـوم كرنفـال
والـبـنــات أنــــواع واشــكــال
كــان أثـــر نـظـراتـو يـنـهـال
فــي فـــؤادي كـوقــع الـنـبـال
قلبي مـن يـوم شافـو مـا زال
فــي الــدرب إدبـــار وإقـبــال
أصلـو مهمـل وصـدك الطـال
زادو فــوق إهمـالـوا إهـمــال
==============================
الزمان بي طبعوا ظالم
العيـون فـي حسـرة تدمـع والفـؤاد مشـتـاق ومـغـرم
والزمـان بـي طبعـوا ظالـم خلـى كــل ايامـنـا مـأتـم
ما خلاص سبتينا إنتي وتاني كيف من شروا نسلـم
وكـان وجـودك لينـا واحـة وراحـة للمحتـاج ومعـدم
لو ربيع ماضيكي ولـى برضـي بـي رؤياكـي بحلـم
فـي رجـاك لامـن أروِّح أو أعيـش وأشيـخ وأهــرم
فيكي كم غنيت قصايـد وفيكـي ضقـت المـرة علقـم
وإنتي كنتي سبب غنايا وصرت بيكي شهير ومَعْلَم
يا مـا أبكـي وراك وانـوِّح بـي فـؤاد بالشـوق مفعَّـم
لا بيشوف لا حتى يسمع زي كفيـف وأصـم وأبكـم
ولما ضاق الحال عليـا ومـن وراكـي نهـاري أظلـم
سبت أرض القوز رحلت وفيها كنت عزيـز مكـرم
جـيـت مسـافـر للمـدايـن قـلـت نــار الغـربـة أرحـــم
وكنت عارف بكرة بحزن ولي فراق أصحابي بندم
وفيهـا لفيـت لـي شبيهـك بـس عشـان ألقـاهـو أنـعـم
ومـــا لقـيـتـو ولا حـألـقـى ومـــا أظـــن والله أعـلــم
*******************************************
والتحيه والشكر القدير لهذا القامه
الرئيسية 
