الصباح بيجيك وتسبحي في ضيـــــاهو
ويمشي ليل الماضي مهما يطول دجاهو
عيشي عيشت الراضي بي قدرو وقضاهو
الصبـاح بيجيـك
الزمان لو قاسي ما حيدوم قساهو
والحبيب لو جافي اقنعي بي جفاهو
خليه يمسك دربو يمشي حسب هواهو
الصبـاح بيجيـك
سابو لي احزانو صيفو علي شتاهو
نومو بعد الهجعه قبل الطير صحاهو
مني فات من بدري فارق لي صباهو
كان مناي في الدنيا قبل الموت اراهو
الصبـاح بيجيـك
لما كنت معاهو كنت حبيب قساهو
آبه ماياباه وارضي حسب رضاهو
الفرح مـآ أعرفو اصلو الا اكون معاهو
كل شي إتعودتو إلا عدم لقاهو
الصبــــاح بيجيـــــك
انا يامه ضقت المره لما بريت خطاهو
مني قبل غادي خته هواي وراهو
حزني مهما احكي ماحأصل مداهو
ازاي يعرفو رب الناس براهو
تسبحــي في ضيـاهو
الصباح بيجيك بكره يعم ثناهو
يمحي كل الماضي بي ألمو وشقاهو
الربيع يلقاكي في قمّة زهاهو
وزهرو من الفرحة غالبو يلم شفاهو
الصبـاح بيجيـك
الصباح في عبيرو تنشقي سر بهاهو
والضهر في أريجو لما يحر ضحاهو
تلقـي توب النسمه مكسـي عطر نداهو
لما يمسي الداجي ليكي يفــــــــوح شذاهو
الصبـاح بيجيـك
اما قلبي الساهي سارح في غناهو
زي حنين الـراعي لما تغيب قراهو
حبـــــــــــو يوم يلقاهو عندو يقيف مناهو
وتاني مابتمني الا يمـــــــــوت فــداهو
الرئيسية 