قبل كل شيئ اود ان اعتذر للجميع عن هذه الرسالة واسلوبها الذي سيكون جافا وساخنا غير المعتاد ولكن لأن هذا هو الاسلوب الذي يريده اخونا ياسر ولأن هذه هي اللغة الوحيدة التي يفهمها!!!!
لم يسبق لي ان احتككت او اصطدمت مع اخونا ياسر قط في أي موضوع ولكن هذه المرة طفح الكيل وزاد الامر عن حده.
الشيء المهم اللي عاوز اخونا ياسر يعرفو انه كل انسان عندو الطيبة وعندو اللآمة لكن مع منو يكون لئيم ومع منو يكون طيب دي بتحددها المواقف. ولكن ما كل الوقت الزول بيكون نفسو حااار وما كل الوقت الزول بيكون مسكين ومسالم زي ما بيقولوا اهلنا (ضاناية).
قبل ايام وبخصوص الاجتماع المفترض عقده يوم الاربعاء كتب ياسر ان الاجتماع فشل!!!! ولاحظوا ان الفشل سبق عقد الاجتماع!!!!
لم يفشل الاجتماع ولن يفشل ولكن مخططك لافشاله هو الذي نجح لانك اخترت توقيتا سليما وكتبت موضوعك!!!!! وبالتالي جاء تكهنك بفشل الاجتماع.
لم تمض ايام حتى تفاجأت بالبوست الذي يخاطب فيه السيدة المديرة والريس فجراوي ويشن عليهم هجوما لا مبرر له ويمكنكم الرجوع للبوست وقراءته وهو بعنوان (اوشين وفجراوي هل من اجابات).
بعد ما اطلعت على البوست وتأملت الكلام المكتوب عني فيه ارسلت له رسالة تلفونية لجس النبض ومعرفة رد الفعل نصها كالآتي:
(مساء الخير. ان شاء الله ما حتلقاني لا في منتدى الادارة ولا حتى الموقع ذاتو. تحياتي)
وجاء رده كالآتي:
(تحياتي انا اطالب بتطبيق القانون فقط لا اكثر لا يحق لاي عضو عادي دخول منتدى الادارة.
عموما شكرا لرسالتك وانت حر ان بقيت او ذهبت)
ياسر يطالب بتطبيق القانون وهو اول من خرقه!!!!!
ارجعوا لعنوان البوست بس!!!!
(اوشين وفجراوي .... هل من اجوبة)
ياسر يخاطب مديرة الموقع ومؤسس الموقع بأسمائهم المجردة وكأنه بيتونس معاهم وهو يطالب بتطبيق القانون!!!!
القانون في معناه الحرفي يا عزيزي الفاضل هو التنظيم من قنن يققنن ، نظم ينظم
وانت بلا شك لا تستطيع مخاطبة مدير العمل عندك او تناديه باسمه المجرد لانو حيحاسبك وربما يعمل ليك مجلس تحقيق !!! يبقى المفروض يا مطبق القانون تطبقوا على نفسك اولا واخيرا مش على غيرك وبس!!!!
لكن هنا نحن اسرة واحدة والفوارق فقط في تنظيم العمل لتسييره يعني ممكن فلان يسير العمل كلو وفرتكان يقعد بدون أي صلاحيات فقط مجرد عضو.
ثم منو النصبك محاسب عشان تحاسب السيدة المديرة والريس على الشيئ البيعملوهو في المنتدى؟؟؟؟ انت فقط تطالب بحقك اذا كنت مظلوما. والليلة اذا كنت بترأس زول في شركة واصبحت لقيتو رئيسك حتعمل شنو؟؟؟؟ اكيد حاتحتج ولكن بأسلوب معروف ومنظم وقانوني وعبر قنوات رسمية حتى تنجلي لك الرؤية وتعرف الاسباب وبعدها تقرر ما تفعل فهل انت اتبعت النظم في هذا الموضوع؟؟؟؟
احب اوضح ليك حاجة فايتة عليك وهي انو انا قبلك سألت الريس ود كحيل بصفته المدير السابق للموقع عن سبب وجودي في منتدى الادارة بالرغم من اني تركت الاشراف فقال لي ان كل اداري بيكون موجود بصفة المساعد فقط لانه في بعض الامور يمكن الرجوع اليه بعامل الخبرة ولكن ما عندو الحق في الادارة او الاشراف يعني بالعربي زي منصب الرئيس الفخري فهمت ولا ارطن ليك؟؟؟؟؟ مع العلم بأن ود كحيل يتمتع بنفس الميزة!!!! يعني ما ود مدير براهو يا سيدي العزيز!!!! وباكر لامن تمسك منصب المدير العام وتخليهو حتكون موجود لاكين بدون صلاحيات. فقط للاستشارة والمفروض تسأل قبل ما تهاجم وطريقة سؤالك كانت ما حضارية للاسف ولا طريقة زول عاوز يعرف الاجابة
يبقى هجومك دا غير مبرر على الاطلاق والسياسة اللي انت متتبعها دي ما بتوديك لي قدام.
واعرف حاجة مهمة وهي انو انا ما زول مؤسس ولا حتى عندي مكانة خاصة عشان ادخل أي حتة على مزاجي زي اولاد المدراء والسفراء مثلا. انا زول عاااااادي وليس عندي صلاحيات غير حبي لهذا الموقع واعضاءه الذين احترمهم واقدرهم واولهم انت!!! عارف ليه انت؟؟؟؟ لانك اشتر!!!! ولازم يكون بيناتنا اشتر لكن ما يكون شااااااذ لدرجة تحير العقل.....
ثم يا سيدي المصادم انت لو اصلك زول حقاني وبتحب تطبيق القانون ليه ما عملت مظاهرة سلمية وطالبت باسقاط الحكومة وتغيير النظام في البلد ؟؟؟ ولا داك شيئ ودا شيئ تااااني؟؟؟؟ القانون لا يتجزأ فهو يسري على الكل مع اختلاف درجات التطبيق والتصدي للخروقات اذا حصلت.!!!!!
النفس الحار والهجوم والمصادمات والجعجعة الفارغة لا تولد الا النفور والكراهية ليس الا وافتكر رسالتي واااااضحة.
اعرف شيئ واحد: المناصب قاااااعدة والاشخاص زايلين وما في زولا شايل من الدنيا دي شيء ابدا الا القطن والكفن والسيرة الطيبة بين الناس.
الكلارم كتييييييييييييييييييييير لاكين كفاك
ولكن اليست هذه هي اللغة التي تفهمها اخي ياسر؟؟؟؟؟؟
*****
الرسالة دي كان ممكن اكتبها ليك في رسالة خاصة ولكن لأنك زول واضح عشان كدة حبيت اكتبها ليك في بوست وكمان دا اسلوبك في المخاطبة مع انه في مليون طريقة لتوصيل رسالتك للزول المعني بالموضوع!!!!
الرئيسية 
