رسالة من فطين

موضوع: رسالة من فطين الأحد أبريل 10, 2011 7:42 am

وكالعادة تلفنت صباح اليوم السبت السلمة جنوب الحزام الأخضر ...
وبعد شوية لكلكة مع هذا المشترك,وصننننننن, فى زول رفع
* أناس طيبين حق بق الله ماكلين شاربين ؟
الحمد لله مية المية
*اها والخبيرات جايى وجايى ونعل مافى زول أبى العشى
لا لا مافى عوجة عِلى مرات العشى دا ذاتو ماقعد يتلقى لكن زول اباهو تب مافى
وواصلت ..فلان جانا وعلان إشتغل فى شركة جديدة وفلانى جاها عريس
وولد علانى نجح
* فضلا من الله لا خلاس الحمد لله اطمأنينا عليكم
أيى اقيف سحر دايرى تتحدث معاك
*سمح ..الو ياسحر كيف الحال والوضع والامور والمدرسة
كويسة والسنة الجاية ماشة تالتة
*شدى حيلك .. صحتك كيف واللوز
تمام التمام بس عندى ملاريا
*انتى بس ماقعد تاكلى كويس
أيوه الدكتور ذاتو قال كدا ..فطين موصيانى ليك
(وفطين هذه إبنة جارة فاطمة إدريس ومنذ أن كانت طفلة تنادينى بـ ابوى عمر وهى الان زوجة وام وهى حقا بتى..ستى شيلى ختى)
**خير إن شاء الله اها فطين مالا
طبعا تانى جابت لها ولد وقالت لك دايرالها صاروخ من امريكا
*صاروخ ؟؟ وانا اضحك الخط قطع
وإلى أن يحين وقت إرسال الصاروخ .. الشورة شنو أ جماعة ..
وهل من تفسير ؟

والتحيات النواضر

هههههههههههههههههههههههها
دي اكيد قاصدة (الصاروخ الغادر للقارات) اقصد العابر للقارات والذي كان سببا في موت اتنين للآن السلطات السودانية ما قادرة تحدد تابعين لي وين.
وجايز تكون قاصدة صاروخ متل ما عابرة طلبت التذاكر وانت رسلتهن ومعاهن الطيارة ذاتها.
ويمكن هضربة ملاريا تكون سمعتلها كلمة ووزنتها علي صاروخ
ويمكن ويمكن ويمكن
المهم ربنا يدي بتنا سحر العافية ويطمنك عليهم ويرد غربتك وانت في كامل ثياب العافية والصحة وتلقى الوضع زي ما كل زول اصيل بيتمناهو
وحنبنيهو يوماتي
وطن شامخ وطن عااااااااتي
وطن خير وسيد ديمقراطي.
والتحيات النواضر
وسلم لينا على الخواجي اب رويسا فااااااضي

حيا الله ناس الحزام ..
تحياتي لفطين و قول لها :

الوليد ان كان مبرجل شن بسوي
زي كليب جربان يهوي
لا يبهرج لا يضوي
الوليد كان يربى قوي
عمله استرليني سايره يبقى صاروخ ارض جوي

كفانا الله شر السواريخ الأمريكي....فظين دى مالا دايرى تجيب لنا الجلا....أمكن تقصد ريحة الساروخ........

سلم لى على أوباما!!!

ياجماعه الكير المقصود بالصاروخ ( ريحه الصاروخ) لزوم الولاده والسمايه وكده وبالناسبه ياعمر انا فى طريقى للسلمه بعد غدا ولو بقى الصاروخ حقى دا نيابه عنك واصاله عن نفسى بجيبو ليها وان بقى صاروخا اخر بطربقتك معاها--- وانا شاكى يكون سمعك هو السبب لانو (ماسامع) كترة عندك حين الاتصال بالتلفون