دعوه لعقد الاجتماع الاول للاعضاء المنتدى

نعم حدائق الشهداء عايزة الاجتماع يكون بدرى لانها تقفل قبل المغرب كما حدث معنا فى الاجتماع السابق
اقترح الحدائق جوار استاد الخرطوم او التى فى مدخل كبرى الانقاذ .او تعالو عندى بالمكتب الذى يقع غرب واحة الخرطوم و شرق شارع الحرية اثناء ساعات الدوام.

محمد عباس كتب:

الاخت الكريمه أوشين
السلام عليكم ورحمة الله
انبه الى انه قد يفشل الاجتماع نسبة الى عدم التحكم لحضور الاعضاء فى الذمن المحدد وهذا حتما
سيؤدى الى تاخر بدء الاجتماع وبالتالى سوف يقودنا الى مد فترة الاجتماع وهذا شى طبيعى
لكن بعد المغرب سوف تقفل ابواب الحديقه بواسطة الشرطه
السؤال الذى يطرح نفسه ...نمشى وين نكمل ما بداناه من نقاش؟؟؟؟؟
المخلص محمد عباس

انا اتمني الناس كلها تجتهد في حكايك الاتصالات دي
اممكن نعملو في 6 ابريل مقترح يعني
يللا ياجماعه ادونا رايكم

الشوش كتب:

نعم حدائق الشهداء عايزة الاجتماع يكون بدرى لانها تقفل قبل المغرب كما حدث معنا فى الاجتماع السابق
اقترح الحدائق جوار استاد الخرطوم او التى فى مدخل كبرى الانقاذ .او تعالو عندى بالمكتب الذى يقع غرب واحة الخرطوم و شرق شارع الحرية اثناء ساعات الدوام.

نحن حددنا الساعه 5 عشان الناس كلها يكون دوامه خلص
وتقدر تحضر
بس المكان ممكن نغيرو مافي مشكله

انا شخصيا زرت مكتب بت جدعة وهو مكان مناسب جدا الا اذا كان هنالك رأي اخر بالاضافة الى انه قريب من البنات عابرة واوشين وبعض الاخوة الاعضاء. لان التاخير ممكن يكون بسبب العمل والمواصلات فأرى ان هذا المقترح جيد جدا بعد مشاورة ست المكان.

انا من أول المؤيد لهذا الأجتماع دا شئ جميل أحي القائمين على المنتدى على هذا المجهود الكبير ان شاءالله للأمام دايمآ

اها ياجماعه الليله اخر يوم لتحديد
مكان وزمان الاجتماع
من بكره حابدا في الدعوات
......................
اذكركم اخر مقترح
مكتب بت جدعه بالخرطوم الطائف شارع الستين
الزمان الاربعاء 13/4/2011م
الســـــــاعه 5 مساء

ليه يا سعادة المديره ما اهتميتى ياقتراحى
ولا نحن يعنى ما معندنا قيمه
كدى فتشى البوست امكن يكون راح كده ولا كده
[b]

محمد عباس كتب:

اقترح من الاستاذه المديره وضع بنود مهمه واساسيه وان لايخرج الاجتماع عنها
وهذه البنود قابله للاضافه من الاخوه الذملاء على ان يتعدى ذلك يوم 10 ابريل
بعد هذا التاريخ يكون الجميع على علم بالاجنده التى ستناقش فى الاجتماع
عليه اقترح على الاخت الفاضله مديرة المنتدى والتى سوف يكون على عاتقها ادارة الاجتماع
ان تضع على بوست مكتب المديره البنود الاساسيه ليتثنى لكل من سيحضر الاجتماع ان يجهز
ما سيناقشه فى الاجتماع
وما توفيقى الا بالله
محمد عباس
مشرف المنتدى الاسلامى

ايوه لقيتو يامحمد
اهذا الاجتماع رسميا يعتبر اول اجتماع للمنتدي
والهدف منو
الاعضاء يتعرفو علي بعض
من ثم النقاش في الطرق المثله لتطوير المنتدي
واي زول عندو مقترح يطرحو والناس تتناقش فيهو
وكل المقترحات سوف توخذ بعين الاعتبار
.................
اللقاء الاول نقدر نسمييهو جلسه اسريه يامحمد
عشان كده ماعايزين نعمل ليهو اجنده محدده

الاخت الغاليه المديره
شكرا لكلماتك الرايعه كروعتك
طيب ...طيبتى خاطرى .... وانت منو البطيب خاطرك
اها مكتب الاخت بت جدعه ده بى وين ؟؟؟؟

شكلو الوصف بتاع المكتب ماواضح
وصفتو لكم زول ماعرفو
وعشان الناس ماتتوه
احسن نختار مكان واضح المقرح التاني كان حدائق 6 ابريل
خلاص بقينا عليها وده اخر مكان والزمان اصلو ثابت

محمد عباس كتب:

بسم الله الرحمن الرحيم
الاخوه والاخوات اعضاء منتدى الحجير . نت
السلام عليكم ورحمة الله وبركاته
الموضوع : - الدعوه للاجتماع الاول
الهدف من هذه المشاركه :- التقدم باقتراح
من الملاحظ والمؤكد بما لا يدعو للشك بانه
لم تصل للاداره تاكيدات من الاخوه الاعضاء
بالتزامهم بالحضور فى الموعد المحدد للاجتماع
وعليه اتقدم للاداره باقتراح مضمونه تاجيل الاجتماع
الى موعد اخر حتى تكتمل تاكيدات من الاخوه والاخوات
بجدية الحضور
والله من وراه القصد
محمد عباس الجاك
مشرف المنتدى الاسلامى

إعتقد بأن السيدة المديرة تتحمل الجزء الاكبر من فشل هذا الاجتماع إقترحنا حديقةامدرمان الكبري لان بها مواصلات لكل انحاء الولاية واصرت علي حدائق النخيل حتي ان البعض ايدها ومعهم الاخت بت جدعة وبرضو في امدرمان وحددت اماكن اخري كثيرةجدا رفضت كلها والشوش اقترح الدار ومن ثم مكتبه وهنالك إصرار بان يكون الاجتماع بالخرطوم لماذا لانعرف رقم ان الناس كلها من امدرمان ولم تتقدم بت جدعة لنجتمع بمكتبها فهي موظفة في شركة عربية وكما مكتوب بالاجتماعي بان والدها وعمتها متألمين شوية هل لأن المكتب سمح وواسع حتي انها ماظاهرة هنا لظروفها الخاصة ، وحدائق بالخرطوم البعيدة ويعلن للاجتماع صباح امس بحدائق 6 أبريل ذمان طلبنا ان تحدد المديرة ذمان ومكان،، للاجتماع وصدق حدس محمد عباس بان الاجتماع سيفشل وهاهو علي وشك الانهيار بألاعتزار من الاخت عابرة لظروفها ولأن الاجتماع فكرته ماتت من ذمان فضلت ان اتابع مع اني غدا راحة مناوبة ولم تكن لدي اي نية للحضور لاني اعلم بان اوشين لم توفق في هذا الشأن في سرعة تغييرالامكنة لنجلس وننجمة فيه ،، وظهر الاخوةعاشق النيل وودالتوم والفضل ومظفر وسيف الدين يتسأئلون عن الاجتماع !!
عموما فشل اجتماعنا بمكتب سعيدابي لم نتعلم منه اي شي ! عموما العترة يمكن ان تصلح المشية مستقبلا
واتمني لكم التوفيق والتحايا لكم