اخشى الا اكون اشتر في كتابة القصائد فالكلام الذي على بالي اكتبه
اليكم هذه الكلمات بعنوان:
احلى الصحاب
مهداة اليكم جميعا والى ......................
يا زهرة حلوة وسوسنة
يا نغمة صادحة مدوزَنة
يا مشاعر الصدق يا ارقى الاصدقاء!!!!
صفاك مخلوق جواك عبير قلبك نفح
تاج امنياتك غطاك
يا ريتك تكوني انتِ انتِ
بشوفك زي نور البرق ضواي
طليتي في عتمة حشا المجهول
سراب عشقك للنجم بارح اماسيك وراااااح
حليل براءة بسمتك شالتها الامواج
تعالي وشوفي الضفة كيف بتغازل وتر مشروخ
حليلك لما كانت ضحكتك انسان
وجع حسك المبحوح خناجر في قلب الاشتها الزايف
رهف شوقك كتل سكك الحنين للفات
تعالي افتش معاك دروب رايحة لحقت شليل الغاب وما جا
حتلقيهو هنااااااااك بعيييييييييد زي نجم الثريا الما خبا
اريت كل الصحاب زيك
اريت زي شتلتك تننسخ وتتوزع على العالم
عشان باكر لما الناس تفتح عينيها
تلاقي الدنيا كلها زهر وورد من كل لون
ويلقوا توقيعك يقول: انا بالصدق بقيت مجنون
وتاني تبدا حكاية المشوار
وخوفك من الوهم والجري ورا المجهول
تكابسك هموم اللوعة تصبح منك فيك
تنسيك روعة الحاضر
تباريح صمت الاغاني سراب
والمر اخير هسة وما في الاخر ببقى شراب
عشان نعرف وين حنقيف في محكمة الضمير
نمسك خيط الصدق من اطرافو
نكسر جدار الاسى وننجم
ونسجن الشجن القبييييييييييل عاود اتجدد
نغالب الايام وقساوة الزمن العنيد
ونبكي فرح ونقول
ياباكر تعال احلى
يا باكر تكون احلى
يوسف مدير
الرئيسية 
