كرةالقدم !! والردم جوز !!

لا ذالت كرة القدم في السودان تتدحرج للاسفل كل يوم ولاذال محترفينا يحترفون الردم جوز!!والدفر ولكم الخصم!!والهزيمة داخليا من فرق اتعب مننا !!ونتحجج خارجيا بالبرد او الحر شديد اوالمطرة صبت!ولابد ان يكون الحكم خائن!! فمتي تصحي كرتنا السودانية من سباتها العميق

شكرا علي موضوعك أخي ياسر
الموضوع كبير ولكن ماهي الأسباب التي ادت الي هذا التدهور الملحوظ للكره السودانيه
هل هي مشكله من التخطيط أم من الاداره لها ام من الدلع لللاعبين والمبالغ المهوله التي يصرفونها
تقبل مروري

اشكرك جدا للمداخلة،صحفنا الرياضيةتصورنا باننا وحوش افريقيا !!وفوزنا بكاس الامم قبل اربعون عاما ،عدم تخطيط،فشل الادارات،المال السايب ،الاستعداد للمباريات قبل ايام ،اللاعب منتصر او مهزوم يردمو كاش،هذه بعض إعتقاداتي والنقاش يطول ويطول ،شكرا الكندرجي ياحبيب

لعيبتنا الواحد يملك شقق في قلب الخرطوم وسيارات وخدم وحشم وفي حالة الهزيمةاوالنصر جيبه متمسح بالقروش !!جرايدنا الرياضية تصورنا باننا وحوش العالم !!وفي الواقع نحن حمام العالم بس فالحين الجايات اكتر من الرايحات !!ونحن ندخل الاستاد من الصباح دون اكل او شرب او صلاة ونعود ونلعن الحكم وبكرة تاني ندفع لنشاهدهم !! شعار ووطن دة كلو كلام ساكت نحن عارفين نحن لاشي !! وبرضو نحن وحوش افريقيا !!!!

تحياتي ياسر. الكورة متدهورة اعتقد انوا دا دلع بس مااكتر من كدا .لانوا ماقصروا معاهم فاصبحوا في حالة دائمة من التسيب عن الحضور مع المنتخب الوطني.حتي القائد هيثم معاهم {دا القلنا عاقل} قال اتفقوا يعتزلوا... اعتزلوا انتوا نافعين. طالما خسارة لي خسارة يجب ان ينصب اهتمامنا في الناشئين لانوا ديل لاخير فيهم .

رئيس اتحاد الناشئين ابو هريرة حسين اجبر لتقديم إستقالته بعد تشييدة وتسويرة لعدة ميدايين زنقوه لمن إستقال وجابو احد الموالين ليهم لجلس في المقعد الوثير ؟ لعيبة المنتخب يقدمون إستقالاتهم ! قمة الاهمال والدلع ١والبرنس قائد المنتخب يتحدث في مؤتمر صحفي ديل كرور في كرور