اين نحن اليوم مما نسمع من الاغاني

كدي اسمعوا وقارنوا بين الغنا الرصين العندو معنى وبين الكلام البيخدش الاذن قبل العقل

راجل المرة حلو حلاة

ويا خاينة غدارة

والامثلة كتيييييييييييييييييييييييييييييييييييييرة من زي دا
والسؤال هل لانو (السوق) عفوا الذوق عايز كدة ولا الحكاية شنو؟؟؟؟!!!!؟؟؟؟!!!!

نعتذر عن تقديم الامثلة لعدم توافر النموذج الصوتي ومشكلة في الفيديو

لو كان الغناء لاحياء التراث القديم ومواصلة مشاوير العطاء على خطى التقدم فنعم ونعم والف نعم ولكن ان ما نسمعه اسفافا و(خجخجة) فلا والف لا ولن يفلح امهر اخصائيي الاذن من معالجة ها الامر لاننا يجب ان نسمع بوجداننا قبل آذاننا.
والقضية لازالت مفتوحة وارجو ان يلقي كل منا بدلوه بكامل الحرية ودون تقييد

يانااااااااااااااااااااااااااااااااس اتو ما قعد تسمعوا اغاني ولا شنو كدي اسمعوا الامثلة التلاتة ديكا وادونا الراي





.
في انتظاركم

الاخ يوسف .. تحياتي
المسعلة جاطت يا أخي و كل من هب و دب بقى فنان حتى إننا اكتفينا ذاتياً من الفنانين و الفنانات و أصبحنا - بحمد الله - من المصدرين .. نصدر الفنانات لدول مجاورة و أخرى غير مجاورة مثل نيجريا .. المشكلة يا حبيبنا ليست في الذين ولجوا لهذا العالم ( سلبطة ساكت) و لكن المشكلة في الذوق العام و الهبوط المفاجيء في الحس الداخلي للمتلقي نفسه .. تستغرب جداً لهذا الكم الهائل من المعجبين و المعجبات لمجرد ( واحد أو واحدة ) لا يجيد سوى الصراخ لدرجة أن تشك في ذوقك .. و أصبح الدخول لعالم الشهرة سهل جداً في هذا العالم بوجود شركات الدعاية و الإعلان التي تتفنن في التلميع و الترويج لهؤلاء .. و أصبحت النتيجة هذا الكم الهائل من المغنيين و المغنيات ( و ناس تمدح و ناس تنبح و غايتو ) .. و لكن هناك أيضاً أصوات جديدة جديرة بالإحترام .

غايتو الناس العجايز ماف شي في الزمن ده عاجبون ... ياجماعه كلو زول يسمع حسب زوق .... انا غايتو بسمع حسب مزاجي ... مرات بكون عايزه اسمع حاجه تهدني اشغل نانسي عجاج مثلا ... او اكون عايزه اهجج كده وارقص اشغل شكرالله او ندي القلعه انشاء حتي عوضيه عذاب ،، لمن يعاودني الحنين وتزاحمني الاشواق للبلد الطمبور هو دوائى ... فياجماعه الغنا كلو حلو .... ويايوسف خليك كول

أوشين كتب:

غايتو الناس العجايز ماف شي في الزمن ده عاجبون ... ياجماعه كلو زول يسمع حسب زوق .... انا غايتو بسمع حسب مزاجي ... مرات بكون عايزه اسمع حاجه تهدني اشغل نانسي عجاج مثلا ... او اكون عايزه اهجج كده وارقص اشغل شكرالله او ندي القلعه انشاء حتي عوضيه عذاب ،، لمن يعاودني الحنين وتزاحمني الاشواق للبلد الطمبور هو دوائى ... فياجماعه الغنا كلو حلو .... ويايوسف خليك كول

اوشين ما قلنا حاجة لاكين شوفي كلام سكوتي وراجعي رد فجراوي
انتي صحيح بتسمعي لاكين هل البتسمعيهو دا كلو غنا؟
وهل كل الغنا حلو زي ما قلتي؟ كدي قولي لي لامن تسمعي ( راجل المرة حلو حلاة) وين حلاة الغنا هنا؟؟؟
يا سيدتي الغناء رساااااااااالة قبل يكون طرب وتطريب واحساس بذوق المستمع خاصة وانو السوداني معروف بانو مستمع جيد وناقد جيد جدا.
فاذا خرج الكلام عن احترام هذا الذوق وخدش للحياء الاجتماعي -اذا صح التعبير- تبقى المسالة تحولت لقلة ادب وعدم ذوق واستخفاف بقيم المجتمع.
عليك الله فسري لي الجملة البين القوسين ديك بأي فهم عندك واقنعيني بانو دا غنا
وبعدين الغنا ما فيهو عجوز او شاب عشان يعجبهم شيئ او لا الغنا الحلو يعجب حتى الشجر.
راجعي غنوة البلابل (نور بيتنا) واسمعي المعاني والجمل الحلوة الفيها وقارنيها براجل المرة حتلقي الفرق كبييييييييييييير جدا والسبب هو اختيار الالفاظ ثم اللحن ثم الاداء الراقي (بدون خجخجة) زي ناس (.......) اللي ما عندهم هم غير يحركوا اجسامهم والناس تقول: تماااااااااااااااااام يا عوض دكام !!!!!! عليكم الله دا كلام يا ناس؟؟؟؟ وينو المسكين عوض دكام دا هسي وهو منو ذاتو؟؟؟؟
نسأل الله السلامة!!!!!!!!!!!!!!!!!!!!!!!!!!!!!!
والله يرحمكم يا الكاشف والفلاتية ومصطفى ود سيد احمد البقول:
رحل صوت المغني حزيييييييييييييييييييييين
والحزن من نور عيونك يلبس الفرحة الجديدة


قال خليك كول قال!!! ههههها انتي وجعتي لي راسي وعايزاني اكون كوووول

اديكي كلمة بسيييييطة واعرفيها تمام: الاستماع والاستمتاع حالة فردية والفهم والتفهيم قسمةإ إلهية فاذا انعدم الاستماع والاستمتاع والفهم نبقى نحن إيه فرقنا من البهم؟؟؟؟؟
ومعذرة للاسلوب (الشلاليتي) دا لاكنو دا الحال
ويا حليلك يا عابرة من كلام بت خالتك دا

ولنا عودة ان شاء الله

الفي ريدو فرض دقس بجي غير بعمل مقص ، انا في نومي بتقلب حرامي القلوب تلب ، نحوم ونلف نجكس في حبيبي مفلس ، الحاجة الزمان الخلتنا رايدنك خلاص فكت منك ، خاينة مبتستاهل عليها تنزل دمعة مدام خانة الامانة وجابت لينا سمعة ، حمادة جاكم بي هنا دا ، والامثال كتيرة اها رايكم شنو في الهبوط دا؟