(تمر الحبيب.).... ضيع شبابي مع الغنا ياناس زماني عليه جنا ..يامعالم باقيه في تمر الحبيب من الخيال زكراها ابدا مابتغيب .يارفاقي البيكم الخاطر يطيب الفؤاد مشتاق يبالغ في النحيب لمواقف من صباي والشيطنه .....بنات حلتنا نازلات للورود السبيب منساب مدفق في النهود وتيابا زاهي زي لون الورود وقلوبا طيبي مابتخلف وعود في كلامن وفي حديثن عننا ....انا من لهيب اشواقي من نار الشجون اهدي كل اشعاري لي اجمل عيون لمشاعرو الطيبه لي قلبو الحنون لقوام وقفني في باب الجنون ولي رقيصن لما ميل وانتنا ...انا كل ليل يلقاني زايد في السهاد حتي لنجماتو عديتن عداد انا ماني طايق الفرقه منك والبعاد وانتي دايما زايدي في الصد والعناد طال غيابك وفي لهيبي فضلت انا ...بلقاك في لون الاذاهر والنضار في نشيد القمري في شدو الكنار في مكان اللغيا بالليل والنهار في الزمان الماضي لمن كنت جار ديمه زاكرك وفي رجاك ياسوسنا....دورته ليك فتشت في كل البقاع في القصايد والانامل واليراع في الخطي السايقاني لي وادي الضياع لي وميضا في ظلامك لي شعاع لي وسيله بعد فراقنا تلمنا ياناس زماني عليه جنا
الرئيسية 